ନୂଆଦିଲ୍ଲୀ : ସଭିଁଙ୍କୁ ସ୍ମାର୍ଟ ଫୋନ୍ ପସନ୍ଦ । ମୋବାଇଲ୍ କମ୍ପାନୀ ନିଜର ଗ୍ରାହକଙ୍କ ପାଇଁ ବିଭିନ୍ନ ଫିଚର୍ ସହ ନୂଆ ନୂଆ ମଡେଲ୍ର ସ୍ମାର୍ଟ ଫୋନ୍ ଆଣି ଥାନ୍ତି । କିଛି ଫୋନ୍ ଉନ୍ନତ ମାନର କ୍ୟାମେରା ପାଇଁ ତ ପୁଣି କିଛି ଫୋନ୍ ବ୍ୟାଟେରୀ ଆଉ କିଛି ପାଣିରେ ମଧ୍ୟ କାମ କରିବା କରିଥାଏ । ଏଭଳି ଏକ ଫୋନ୍ ବିଷୟରେ ଜାରଣନ୍ତୁ ଯାହାକୁ ଥରେ ଚାର୍ଜ କଲେ ଗୋଟିଏ ମାସ ପର୍ଯ୍ୟନ୍ତ ଏହାର ଚାର୍ଜ ରହିଥାଏ ।
ଏହାର ଏକ ବିଶେଷ ଗୁଣ ମଧ୍ୟ ରହିଛି । ଏହି ଫୋନ୍କୁ ଖରାରେ ରଖି ଚାର୍ଜ କରି ପାରିବେ । ଏଥିରେ ଏକ ସୋଲାର ଚାର୍ଜର ଲଗାଯାଇଛି, ସମ୍ପୂର୍ଣ୍ଣ ଚାର୍ଜ ହେବା ପରେ ଏହା ଏକ ମାସ ପର୍ଯ୍ୟନ୍ତ ଚାର୍ଜ ରଖିଥାଏ । ମାତ୍ର ଏହି ଫୋନ୍ ଖୁବ୍ ଓଜନିଆ । ପ୍ରାୟ ୧ କେଜି ଏହାର ଓଜନ ହେବ ।
କୁୱେତ୍ରେ ରହୁଥିବା ଜଣେ ବ୍ୟକ୍ତି ସୋସିଆଲ ମିଡିଆ ଜରିଆରେ ଏହି ଫୋନ୍ ବିଷୟରେ କହିଛନ୍ତି । ସେ ଅଧିକାଂଶ ସମୟରେ ବଜାରକୁ ଆସୁଥିବା ନୂଆ ନୂଆ ଫୋନ୍ ବିଷୟରେ ଜଣାଇଥାନ୍ତି । ଏହି ଫୋନ୍ରେ ପ୍ରାୟ ୧୬ ଜିବି ର୍ୟାମ୍ ଓ ୫୧୨ ଜିବି ଷ୍ଟୋରେଜ୍ ରହିଛି । ସବୁଠାରୁ ବଡ କଥା ହେଉଛି ଏଥିରେ ୨୦୦ ମେଗାପିକ୍ସଲ କ୍ୟାମେରା ରହିଛି ।
୬୦୦୦ଏମ୍ଏଏଚ୍ ବ୍ୟାଟେରୀ ଥିବା ଫୋନ୍ ନିଶ୍ଚୟ ଦେଖିଥିବେ ମାତ୍ର ଏହାର ବ୍ୟାଟେରୀ ୨୩,୮୦୦ଏମ୍ଏଏଚର ବଡ ବ୍ୟାଟେରୀ ରହିଛି । ଏହାକୁ ମାତ୍ର ଥରେ ଚାର୍ଜ କଲେ ଏକ ମାସ ପର୍ଯ୍ୟନ୍ତ ଚାର୍ଜ ରଖିଥାଏ । ଏହି ଫୋନ୍ ୫ଜିର ହୋଇଥିବା ବେଳେ ଏହାକୁ Unihertz କମ୍ପାନୀ ତିଆରି କରିଛି । କୁୱେତରେ ଏହାର ମୂଲ୍ୟ ୮୦ କେଡି । ଯାହା ଭାରତ ଦାମ୍ରେ ପ୍ରାୟ ୨୩,୦୦୦ ଟଙ୍କା ।
ଏଥିରେ ଏକ ଦ୍ରୁତ ପ୍ରୋସେସର୍, ୧୬ ଜିବି ର୍ୟାମ୍, ୫୧୨ ଜିବି ଷ୍ଟୋରେଜ୍ ଓ ୬.୭୯ ଇଞ୍ଚ ଏଫଏଚଡି+୧୨୦ଏଚଜେଡ୍ର ଉନ୍ନତ ସ୍କ୍ରିନ୍ ମଧ୍ୟ ରହିଛି ।
ଧୂଳି ଏବଂ ପାଣିରୁ ସୁରକ୍ଷା ପାଇଁ ଏହି ସ୍ମାର୍ଟଫୋନ୍ର ଆଇପି୬୮ ରେଟିଂ ରହିଛି। ଏଥିରେ ଏକ ଲେଜର ରେଞ୍ଜଫାଇଣ୍ଡର ମଧ୍ୟ ଅଛି ଯାହା ୪୦ ମିଟର ପର୍ଯ୍ୟନ୍ତ ଦୂରତା ମାପିପାରିବ, ଇନଫ୍ରାରେଡ୍ ସେନ୍ସର, ୧୨୦୦ ଲୁମେନସ୍ ଉଜ୍ଜ୍ୱଳତା ସହିତ ଏଲଇଡି ଫ୍ଲାସ୍ଲାଇଟ୍, ଦୁଇଟି କଷ୍ଟମାଇଜେବଲ୍ ସାଇଡ୍ ବଟନ୍ ଏବଂ ଫିଙ୍ଗରପ୍ରିଣ୍ଟ ସେନ୍ସର ରହିଛି ।
କ’ଣ କହେ ହସ୍ତରେଖା: ଜାଣନ୍ତୁ କେଉଁମାନଙ୍କର ହୋଇଥାଏ ସରକାରୀ ଚାକିରି..
