ନୂଆଦିଲ୍ଲୀ ..- ସାଧାରଣ ନିର୍ବାଚନ ବେଳେ ମିଛ ଖବର ହ୍ୱାଟସ୍ ଆପ୍ ମାଧ୍ୟରେ ପ୍ରସାର କଲେ ଏହାକୁ ବନ୍ଦ କରିଦିଆ ଯାଉଥିବ ସୂଚନା ମିଳିଛି । ହ୍ୱାଟସ୍ଆପ୍ କର୍ତ୍ତୃପକ୍ଷ ଏବେ ମିଛ ଖବର ପ୍ରସାର କରୁଥିବା ନମ୍ବରକୁ ବନ୍ଦ କରିଦେଉଥିବା ରିପୋର୍ଟ ବିଭିନ୍ନ ଜାତୀୟ ସମ୍ବାଦ ସରୋବରାହ ସଂସ୍ଥା ଖବର ପ୍ରକାଶନ କରିଛନ୍ତି । ଏପ୍ରିଲ ୧୧ ତାରିଖରୁ ହ୍ୱାଟସ୍ଆପ୍ ଏପରି ନମ୍ବରକୁ (ବ୍ଲକ) ବନ୍ଦ କରିବା ଆରମ୍ଭ କରିଛି । ନିର୍ବାଚନ କମିଶନଙ୍କ ପରାମର୍ଶ କ୍ରମେ ଏପରି କରାଯାଉଥିବା ହ୍ୱାଟସ୍ଆପ୍ର କର୍ତ୍ତୃପକ୍ଷ ସୂଚନା ଦେଇଛନ୍ତି ।
ହେଲେ ବିଭିନ୍ନ ନମ୍ବର ଉପପରେ ହ୍ୱାଟସ୍ଆପ୍ ପକ୍ଷରୁ ଲଗାଯାଇଥିବା ନମ୍ବରରୁ କେବେ ପ୍ରତିବନ୍ଧକ ହଟାଯିବ ସେ ବିଷୟରେ କିଛି ସୂଚନା ଦିଆଯାଇ ନାହିଁ । ଫେସ୍ବୁକ୍ର ମାଲିକାନାରେ ଏବେ ହ୍ୱାଟସ୍ଆପ୍ ରହିଛି । ଫେସ୍ବୁକ୍ରୁ ଅନେକ ମିଛ ଖବର ଓ ପୋଷ୍ଟକୁ ହଟାଯାଇଛି । ନିର୍ବାଚନରେ ସ୍ୱଚ୍ଛତା ପାଇଁ ନିର୍ବାଚନ କମିଶନଙ୍କ ପକ୍ଷରୁ ଏହି ପଦକ୍ଷେପ ଗ୍ରହଣ କରାଯାଇଛି । ସାମାଜିକ ଗଣମାଧ୍ୟମରୁ ମିଛ ଖବର ପ୍ରସାରଣ ରୋକିବା ପାଇଁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି ।
