କେନ୍ଦୁଝରରେ ଖୋଲିଲା ହାଇକୋର୍ଟର ଆଭାସୀ ଅଦାଲତ

କେନ୍ଦୁଝରଗଡ଼ : ଜିଲା ଓ ଦୌରାଜଜ୍‌‌ କେନ୍ଦୁଝରଙ୍କ ଅଦାଲତ ପରିସରରେ ସୋମବାର ଓଡିଶା ଉଚ୍ଚ ନ୍ୟାୟାଳୟର ଆଭାସୀ ଅଦାଲତ ଉଦ୍‌‌ଘାଟିତ ହୋଇଯାଇଛି । ଓଡିଶା ଉଚ୍ଚ ନ୍ୟାୟଳୟର ପ୍ରଶାସନିକ ବିଚାରପତି ଜଷ୍ଟିସ୍‌‌ ସଙ୍ଗମ କୁମାର ସାହୁଙ୍କ ଉପସ୍ଥିତିରେ ଓଡିଶା ଉଚ୍ଚ ନ୍ୟାୟାଳୟର ମୁଖ୍ୟ ବିଚାରପତି ଡ.ଜଷ୍ଟିସ୍‌‌ ଏସ୍‌‌.ମୁରଲୀଧର ମୁଖ୍ୟ ଅତିଥି ଭାବେ ଯୋଗଦେଇ ଆଭାସୀ ମାଧ୍ୟମରେ ଏହି ଅଦାଲତକୁ ଉଦ୍‌‌ଘାଟନ କରିବା ଅବସରରେ ଏହାଦ୍ୱାରା ମହକିଲ ଖର୍ଚ୍ଚାନ୍ତ ନହୋଇ ହାତ ପାହାନ୍ତାରେ କିଭଳି ନ୍ୟାୟିକ ସେବା ପାଇପାରିବେ ସେ ସମ୍ପର୍କରେ କହିଥିଲେ । ଏହି ଅବସରରେ କେନ୍ଦୁଝର ଜିଲା ଅଦାଲତ ପରିସରରେ ସ୍ୱତନ୍ତ୍ର ଭାବେ ଗଠନ ହୋଇଥିବା ଅଭାସୀ ଅଦାଲତ ଉଦ୍‌‌ଘାଟନୀ ଅବସରରେ ଜିଲା ଓ ଦୌରାଜଜ୍‌‌ ଚିତ୍ତରଞ୍ଜନ ମହାପାତ୍ର, ରେଜିଷ୍ଟ୍ରାର ସିଭିଲ କୋର୍ଟ୍ସ ସଶ୍ମୀତା ମିଶ୍ର ଓ ଭିଜିଲାନ୍ସ ବିଚାରପତି ରଶ୍ମୀତା ଦଳେଇଙ୍କ ସମେତ ବିଭିନ୍ନ ବିିଭାଗୀୟ ବିଚାରପତି ଉପସ୍ଥିତ ଥିଲେ। ଓଡିଶା ଉଚ୍ଚ ନ୍ୟାୟାଳୟ ପକ୍ଷରୁ ଜଣେ ଆସିଷ୍ଟାଣ୍ଟ ସେକ୍ସନ ଅଫିସରଙ୍କୁ ହାଇକୋର୍ଟର ଏହି ଆଭାସୀ ଅଦାଲତ ପରିଚାଳନା ପାଇଁ ନିଯୁକ୍ତି ଦିଆଯାଇଥିବା ବେଳେ ଏଣିକି ଜିଲା ଓ ଦୌରାଜଜ୍‌‌ ଅଦାଲତ ପରିସରରେ କାର୍ଯ୍ୟକ୍ଷମ ହାଇକୋର୍ଟର ଆଭାସୀ ଅଦାଲତରେ ସମସ୍ତ ବିଚାରର ଶୁଣାଣୀ କାର୍ଯ୍ୟ ହୋଇପାରିବ ବୋଲି କୁହାଯାଇଛି।

Comments are closed.