ଲକ୍ଷ୍ନୌ : ଜଳବାୟୁରେ ପରିବର୍ତ୍ତନ ଓ କୁଆପଥର ସହ ପ୍ରବଳ ବର୍ଷା କାରଣରୁ ଉତ୍ତରପ୍ରଦେଶରେ ବହୁ ଧନଜୀବନ କ୍ଷୟକ୍ଷତି ହୋଇଛି। ଗୁରୁବାର ବିଳମ୍ବିତ ରାତି ଓ ଶୁକ୍ରବାର ପ୍ରବଳ କୁଆପଥର ବର୍ଷା ସହ ବଜ୍ରପାତରେ ଗଛ ଓ ପାଚେରୀ ପଡ଼ିଯିବାରୁ ୩୩ ଜଣଙ୍କ ମୃତ୍ୟୁ ହୋଇଥିବା ବେଳେ କେବଳ ଅବଧ ଅଞ୍ଚଳରେ ୧୩ ଜଣଙ୍କ ମୃତ୍ୟୁ ହୋଇଛି। ଏହାସହ ବର୍ଷା କାରଣରୁ ହଜାର ହଜାର ହେକ୍ଟର ଫସଲ ମଧ୍ୟ ନଷ୍ଟ ହୋଇ ଯାଇଛି। ଗହମ, ଚଣା, ଆଳୁ, ମଟର ଓ ମସୁର ଡ଼ାଲି ଆଦି ଫସଲ ଉଜୁଡ଼ି ଯାଇଛି।
ଅବଧର ବହୁ ସ୍ଥାନରେ ବର୍ଷା ଓ ପ୍ରବଳ ବରଫାପାତ କାରଣରୁ ୧୩ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ସୀତାପୁର ଜିଲାରେ କାନ୍ଥ ଭୁଶୁଡ଼ି ପଡ଼ିବାରୁ ୮ ଜଣଙ୍କର ଓ ବାରାବଙ୍କୀରେ ୨ ଜଣଙ୍କର ମୃତ୍ୟୁ ହୋଇଛି। ଏହାସହ ବଳରାମପୁର, ଅଯୋଧ୍ୟାରେ ମଧ୍ୟ ଜଣ ଲେଖାଏଁ ମୃତ୍ୟୁ ହୋଇଛି।
ବହରାଇଚରେ ଝଡ଼-ତୋଫାନ ବର୍ଷାରେ ସ୍କୁଲରୁ ଫେରୁଥିବା ପିଲାଙ୍କ ଉପରେ ବିଜୁଳି ଖୁଣ୍ଟ ପଡ଼ିଯିବାରୁ ଜଣେ ପିଲାର ମୃତ୍ୟୁ ହୋଇଥିବା ନେଇ ସୂଚନା ମିଳିଛି।
ସୁଲତାନପୁର ଓ ଅନ୍ୟାନ୍ୟ ବହୁ ସ୍ଥାନରେ ବିଳମ୍ବିତ ରାତି ଯାଏଁ କୁଆପଥର ସହ ବର୍ଷା ହେବାରୁ ରାସ୍ତାରେ ବରଫର ମୋଟା ଆସ୍ତରଣ ଜମିଥିବା ଦେଖିବାକୁ ମିଳିଥିଲା।
Comments are closed.