ଲଣ୍ଡନ : ବ୍ରିଟେନ୍ ଏବଂ ୟୁରୋପୀୟ ସଂଘ ମଧ୍ୟରେ ଆଲୋଚନା ପରେ ବ୍ରିକ୍ଜିଟ୍ (ୟୁରୋପ ସଂଘରୁ ବ୍ରିଟେନ୍ ବାହରିଯିବା) ତାରିଖ ଅକ୍ଟୋବର ୩୧ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଛି। ୟୁରୋପୀୟ ସଂଘ ଏବଂ ବ୍ରିଟେନ୍ ମଧ୍ୟରେ ଆଲୋଚନା ପରେ ସର୍ବ ସହମ୍ମତିରେ ଏହି ବୁଝାମଣା ହୋଇଥିବା ସୂଚନା ଦିଆଯାଇଛି। ଏନେଇ ବ୍ରିଟେନ୍ ପ୍ରଧାନମନ୍ତ୍ରୀ ଥେରେସା ମେ ଏବଂ ୟୁରୋପୀୟ ପରିଷଦ ଅଧ୍ୟକ୍ଷ ଡୋନାଲ୍ଡ ଟସ୍କ ଏକ ବୈଠକରେ ଦୀର୍ଘ ୫ ଘଣ୍ଟା ଧରି ଆଲୋଚନା କରିଥିଲେ। ବୈଠକ ପରେ ଡୋନାଲ୍ଡ ଟସ୍କ କହିଛନ୍ତି ଯେ ବ୍ରିଟେନ୍ ୟୁରୋପୀୟ ସଂଘରୁ ବାହାରିବା ନିଷ୍ପତ୍ତି ଉପରେ ପୁନଃ ବିଚାର କରିବାକୁ ଚାହୁଁଛି। ଏଥିପାଇଁ ବ୍ରିକ୍ଜିଟ୍ ତାରିଖକୁ ଅକ୍ଟୋବର ୩୧ ତାରିଖ ପର୍ଯ୍ୟନ୍ତ ବୃଦ୍ଧି କରଯାଇଛି।
ପ୍ରକାଶଯୋଗ୍ୟ ଯେ ଏହା ପୂର୍ବରୁ ବ୍ରିକ୍ଜିଟ୍ ପାଇଁ ମାର୍ଚ୍ଚ ୩୧କୁ ତାରିଖ ଧାର୍ଯ୍ୟ ହୋଇଥିଲା। କିନ୍ତୁ ବ୍ରିଟେନ ସାଂସଦମାନେ ୟୁରୋପୀୟ ସଂଘରୁ ବାହାରିବା ନିଷ୍ପତ୍ତି ନେଇ ସରକାରଙ୍କ ସର୍ତ୍ତକୁ ନାମଞ୍ଜୁର କରିଦେଇଥିଲେ। ଏହାପରେ ବ୍ରିକ୍ଜିଟ୍ ତାରିଖକୁ ଅପ୍ରେଲ ୧୨ ପର୍ଯ୍ୟନ୍ତ ଘୁଞ୍ଚାଇ ଦିଆଯାଇଥିଲା। ବୁଝାମଣା ଅନୁସାରେ ବ୍ରିଟେନ୍ ଧାର୍ଯ୍ୟ ତାରିଖ ମଧ୍ୟରେ କୌଣସି ବି ସମୟରେ ୟୁରୋପୀୟ ସଂଘରୁ ବାହାରିପାରିବ।
ବ୍ରେକ୍ଜିଟ୍ ତାରିଖ ଅକ୍ଟୋବର ୩୧ ପର୍ଯ୍ୟନ୍ତ ଘୁଞ୍ଚିଲା
Popular Categories
Previous article
Next article