ମେଷ: ପ୍ରଥିତ ପ୍ରଭାବସମ୍ପନ୍ନ ହେବେ। ଜିତେନ୍ଦ୍ରୀୟ ହୋଇପାରନ୍ତି। ବୀର୍ଯ୍ୟବାନ୍ ଓ ଶୌର୍ଯ୍ୟଶାଳୀ ହେବେ। ଉତ୍ତମ ପ୍ରବକ୍ତା ହେବାର ସୂଚନା ମିଳୁଛି। ବାସଗୃହ ପରିବେଶ ଉତ୍ତମ ମାନର ହେବ। ସୁସ୍ଥ ଜୀବନ ବିତାଇବେ।
ବୃଷ: ନିଜ ପ୍ରତିଶ୍ରୁତି ପାଳନ କରିବାରେ ବଦ୍ଧ ପରିକର ହେବେ। ଛନ୍ଦ-କପଟ ଶୂନ୍ୟ ହୋଇପାରନ୍ତି। ଅକ୍ଷୟ କୀର୍ତ୍ତି ଅର୍ଜନ କରିପାରନ୍ତି। ସମୃଦ୍ଧ ରଖିବେ। ପ୍ରିୟବନ୍ଧୁଙ୍କ ସାନ୍ନିଧ୍ୟ ମିଳିବ। ସର୍ବତ୍ର ବିଜୟୀ ହେବେ।
ମିଥୁନ: ସନ୍ମାର୍ଗୀ ହେବା ପାଇଁ ତତ୍ପରତା ପ୍ରକାଶ ପାଇବ। ନିଜ ବନ୍ଧୁବାନ୍ଧବ ଓ ଆତ୍ମୀୟସ୍ବଜନଙ୍କ ପ୍ରତି ଅନୁରକ୍ତି ରହିବ। ବିଳାସବ୍ୟସନ ପାଇଁ ଅନାସକ୍ତ ରହିବେ। ସୌଭାଗ୍ୟଶାଳୀ ହେବେ। ସୁଖ ଓ ନିରାମୟ ରହିବେ।
କର୍କଟ: ଶ୍ରୀଚନ୍ଦ୍ର ଭୋଗ ହେତୁ ବିଭିନ୍ନ ଉପହାରାଦିରେ ଭୂଷିତ ହୋଇପାରନ୍ତି। ମିଷ୍ଟାନ୍ନ ଖାଦ୍ୟରେ ଆପ୍ୟାୟିତ ହେବେ। ଚିନ୍ତାଧାରା ଉନ୍ନତମାନର ହେବ। ଜନସାଧାରଣଙ୍କ ହିତୈଷୀ ଓ ପରୋପକାରୀ ହେବେ।
ସିଂହ: ରାଜଯୋଗ ଥିବାରୁ ଶ୍ରେଷ୍ଠାସନରେ ଆସୀନ ହେବେ। ଧାର୍ମିକ ପ୍ରବୃତ୍ତିର ହେବେ। ଏକାନ୍ତରେ ତପ ସାଧନା ଫଳବତୀ ହେବ। ମଧୁର ଭାଷାରେ ପରକୁ ଆପଣାର କରିପାରନ୍ତି। ଜନକଲ୍ୟାଣରେ ଧନ ବ୍ୟୟ ହେବ।
କନ୍ୟା: ଜ୍ଞାନୀମାନଙ୍କର ଜ୍ଞାନ ପିପାସା ମେଣ୍ଟେ ନାହିଁ କି ଆପଣଙ୍କର ମଧ୍ୟ ମେଣ୍ଟିବ ନାହିଁ। ଧର୍ମ ଦଣ୍ଡଧାରୀ ହୋଇପାରନ୍ତି। ଶତ୍ରୁପକ୍ଷଙ୍କୁ ନିଜ ଗୁଣରେ କ୍ଷମା ପ୍ରଦାନ କରିପାରନ୍ତି। ସଦାସର୍ବଦା ଦୃଢ଼ବାଦୀ ହେବେ।
ତୁଳା:କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ସ୍ବଅର୍ଜିତ ଜ୍ଞାନାଲୋକରେ ନିର୍ଭରଶୀଳଙ୍କୁ ଚକ୍ଷୁଷ୍ମାନ୍ କରିପାରନ୍ତି। ପ୍ରତିଯୋଗିତାରେ କୃତିତ୍ବ ଅର୍ଜନ କରିପାରନ୍ତି। ଦୟାଧର୍ମରେ ଦୀକ୍ଷିତ ହେବେ। ସୁସ୍ଥ ଓ ନିରାମୟ ରହିବେ।
ବିଛା:ସ୍ବକର୍ମରେ ସଫଳତା ପାଇଁ ନିରଙ୍କୁଶ କ୍ଷମତା ହାତକୁ ଆସିପାରେ। ସେହି କ୍ଷମତାକୁ ବିକେନ୍ଦ୍ରୀକରଣ କରି ଅଧସ୍ତନ ଓ ସହଯୋଗୀମାନଙ୍କୁ କର୍ମତତ୍ପର କରାଇବାରେ ସଫଳ ହେବେ। ଆର୍ଥିକ ଅଭିବୃଦ୍ଧି ଘଟିବ।
ଧନୁ:ନୃପତିଙ୍କ ସଦୃଶ ପ୍ରଭାବଶାଳୀ ହେବେ। ଶୂର, ବୀର, ଶୌର୍ଯ୍ୟର ଅଧିକାରୀ ହେବେ। ସମ୍ମୁଖ ସମରରେ ନୁହେଁ, ଯୁକ୍ତିଯୁକ୍ତ ବାକ୍ୟ ବିନିମୟରେ ଶତ୍ରୁମାନଙ୍କ ଉପରେ ବିଜୟ ହାସଲ କରିପାରନ୍ତି।
ମକର: ନିରୀହ ସ୍ବଭାବସମ୍ପନ୍ନ ହେବେ। ଧନଧାନ୍ୟରେ ଭଣ୍ଡାର ପରିପୂର୍ଣ୍ଣ କରିପାରନ୍ତି। ପ୍ରତ୍ୟେକ କାର୍ଯ୍ୟରେ ପତ୍ନୀଙ୍କ ସହଯୋଗ ମିଳିବ। ବିତ୍ତବାନ୍ ହେବେ। ସମାଜସେବୀଭାବେ ସମସ୍ତଙ୍କ ପ୍ରିୟ ହେବେ।
କୁମ୍ଭ:ଆୟର ସ୍ବଳ୍ପତା ଦୃଷ୍ଟିରୁ ବାହ୍ୟ ଖର୍ଚ୍ଚକୁ ସୀମିତ କରିପାରନ୍ତି। ବିଦ୍ୟାବନ୍ତ, ଗୁଣୀ ଓ ଚତୁର ହେବେ। ଶତ୍ରୁ ବିନାଶ କରି ମାନସିକ ଶାନ୍ତି ଫେରିପାଇବେ। ସ୍ବାର୍ଥଜଡ଼ିତ ଥାଇ ବି ସେବା କାର୍ଯ୍ୟ କରିପାରନ୍ତି।
ମୀନ: ପତିପତ୍ନୀଙ୍କ ମିଳିତ ପ୍ରୟାସରୁ ଧନାଗମର ସୂଚନା ମିଳୁଛି। ପିଲାମାନଙ୍କୁ ଶିକ୍ଷା କ୍ଷେତ୍ରରେ ଅଗ୍ରଣୀ ଭୂମିକା ଗ୍ରହଣ କରିବା ପାଇଁ ପ୍ରଥମେ ନିଜକୁ ଅଧ୍ୟୟନରତ ହେବାକୁ ପଡ଼ିବ। ଜ୍ୟୋତିଷ ବିଦ୍ୟା ପ୍ରତି ରୁଚି ରହିବ।
Comments are closed.