ଟିଟିଲାଗଡ଼: ଟିଟିଲାଗଡ଼ ରେଳ ଷ୍ଟେସନ ପରିସରରୁ ସୋମବାର ବ୍ୟାପକ ପରିମାଣର ଗଞ୍ଜେଇ ଜବତ ହୋଇଛି। ଏଥି ସହ ଜଣେ ଗିରଫ ହୋଇଥିବା ଜଣାପଡ଼ିଛି।
ସୂଚନା ଅନୁସାରେ, ମଧ୍ୟପ୍ରଦେଶ ରାଜ୍ୟ ଛୀନ୍ଦବାଡା ଜିଲା ସୋସର ସହରର ଆଦମ ଖାନ ନାମକ ଜଣେ ବ୍ୟକ୍ତି ଟିଟିଲାଗଡ଼ର ଜଣେ ଗଞ୍ଜେଇ ମାଫିଆଙ୍କଠାରୁ ୮ କେଜି ୮୦୦ ଗ୍ରାମ ଗଞ୍ଜେଇ ଟ୍ରେନ ଯୋଗେ ମହାରାଷ୍ଟ୍ର ରାଜ୍ୟ ଅଞ୍ଚଳକୁ ଚାଲାଣ କରିବାକୁ ଟିଟିଲାଗଡ଼ ରେଳ ଷ୍ଟେସନରେ ଟ୍ରେନ ଅପେକ୍ଷାରେ ରହିଥିଲେ। ଖବର ପାଇ କଣ୍ଟାବାଞ୍ଜି ଅବକାରୀ ଇନ୍ସପେକ୍ଟର ସ୍ୱାଧୀନ ବେହେରା, ଟିଟିଲାଗଡ଼ ଅବକାରୀ ଅଧିକାରୀ ଆଶିଷ ବେହେରା, ଏଏସଆଇ ମଳୟ ପ୍ରଧାନ, ଡୋଳେଶ୍ୱରୀ କୁମ୍ଭାର, ସୁନିଲ ବଢ଼େଇ, ଗଗନ ମିଶ୍ର, କୁମୁଦିନୀ ମଲ୍ଲିକ ପ୍ରମୁଖ ଟିଟିଲାଗଡ଼ ଆରପିଏଫ ସହାୟତାରେ ଚଢ଼ାଉ କରିଥିଲେ। ଅବକାରୀ ବିଭାଗ ଏନେଇ ଏନଡିପିଏସ ଆକ୍ଟରେ ଏକ ମାମଲା ରୁଜୁ ସହ ଅଭିଯୁକ୍ତକୁ ଗିରଫ କରି ଡାକ୍ତରୀ ପରୀକ୍ଷା ପରେ ଆଜି କୋର୍ଟ ଚାଲାଣ କରିଛି।
