ଟିଟିଲାଗଡ଼: ରବିବାର ସନ୍ଧ୍ୟାରେ ଶାସକ ବିଜେଡ଼ି ପକ୍ଷରୁ ଟିଟିଲାଗଡ଼ ପୌରାଧ୍ୟକ୍ଷ ପ୍ରାର୍ଥୀନୀଙ୍କ ନାମ ଘୋଷଣା କରାଯାଇଛି। ପୂର୍ବତନ କାଉନସିଲର ସୁକାନ୍ତି ପାଢ଼ୀଙ୍କୁ ଦଳ ଏଥର ଟିକଟ ପ୍ରଦାନ କରିଛି। ଆଜି ସ୍ଥାନୀୟ ବିଜେଡି କାର୍ୟ୍ୟାଳୟ ଠାରେ ରାଜ୍ୟ ମହିଳା ଓ ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ଏକ ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି। ଏହା ସହ ଦଳ ପକ୍ଷରୁ ୱାର୍ଡ ନମ୍ବର ୧ରୁ ମମତା ସାହୁ, ୨ରୁ ଚନ୍ଦ୍ରକାନ୍ତି ନାଗ, ୩ରୁ ଗୋପାଳ କୃଷ୍ଣ ବେହେରା, ୪ରୁ ଭୁବନେଶ୍ୱର ପଟ୍ଟନାୟକ, ୫ରୁ ଚନ୍ଦ୍ରଶେଖର ନାୟକ, ୬ରୁ ସୁଧୀର ଅଗ୍ରୱାଲ (ଟିନୁ ) ୭ରୁ ଭାରତୀ ଭରସାଗର, ୮ରୁ ସୁନିତା ଦାଶ, ୯ରୁ ସ୍ମିତାଞ୍ଜଳି ଗହୀର, ୧୦ରୁ ସଞ୍ଜୀବ ଗୋୟଲ, ୧୧ରୁ ମିନାକ୍ଷୀ ବଗର୍ତ୍ତି, ୧୨ରୁ ମାନସ ସାହୁ, ୧୩ରୁ ସାବିତ୍ରୀ ବାରିକ, ୧୪ରେ ତରୁଣୀ ସିଂପାତ୍ର, ୧୫ରୁ ଅନିତା ଚନ୍ଦନଙ୍କୁ ଦଳ ଟିକଟ ଦେଇଛି। ଟିଟିଲାଗଡ଼ ପୌରାଞ୍ଚଳରେ ରାଜ୍ୟ ସରକାରଙ୍କ ପକ୍ଷରୁ ଅନେକ ବିକାଶ କାର୍ଯ୍ୟର ସଫଳ ରୂପାନୟନ ହୋଇଥିବାରୁ ବିକେଡ଼ିର ବିଜୟ ସୁନିଶ୍ଚିତ ବୋଲି ମନ୍ତ୍ରୀ ଶ୍ରୀମତୀ ସାହୁ କହିଛନ୍ତି। ସାମ୍ବାଦିକ ସମ୍ମିଳନୀରେ ପୌରାଧ୍ୟକ୍ଷ ପ୍ରାର୍ଥୀନୀଙ୍କ ସମେତ ସମସ୍ତ ୱାର୍ଡ ସଭ୍ୟ ପ୍ରାର୍ଥୀ ପ୍ରାର୍ଥୀନୀ, ମନ୍ତ୍ରୀଙ୍କ ପ୍ରତିନିଧି ଅରୁଣ ମିଶ୍ର, ବରିଷ୍ଠ ନେତା ପ୍ରେମ ଜୈନ, ଜିଲା ପରିଷଦ ସଭ୍ୟ ଗୀତା ବିଶି, ଦିଲୀପ ବାଗ, ରୁଟୁ ବାଗ, ପ୍ରବୀଣ ଆଚାର୍ୟ୍ୟ ପ୍ରମୁଖ ଉପସ୍ଥିତ ଥିଲେ।
Comments are closed.