ବଲାଙ୍ଗିର: ସ୍ଥାନୀୟ ସମଲେଶ୍ୱରୀ ମନ୍ଦିର ରାସ୍ତାରେ ଥିବା ସରଗମ ଗାର୍ମେଣ୍ଟସକୁ ବୁଧୁବାର ସନ୍ଧ୍ୟାରେ ଜଣେ ଯୁବତୀଙ୍କ ସହ ମହିଳା ପ୍ୟାଣ୍ଟ, ସାର୍ଟ କିଣିବାକୁ ଆସିଥିଲେ। ସେ ପ୍ୟାଣ୍ଟ ଓ ସାର୍ଟ ଦେଖିବା ବାହାନାରେ ଚୋରି କରିଥିବା ସହରାଞ୍ଚଳ ଥାନାରେ ଅଭିଯୋଗ ହୋଇଛି। ଦୋକାନରେ ଲାଗିଥିବା ସିସି ଟିଭିରେ ଚୋରି କରୁଥିବା ସବୁ ଦୃଶ୍ୟ କଏଦ ହୋଇଛି। ଡ୍ରେସ ପିନ୍ଧା ଯୁବତୀ ଠିଆ ହୋଇଥିବା ବେଳେ ଶାଢୀ ପିନ୍ଧା ମହିଳା ସାର୍ଟ, ପ୍ୟାଣ୍ଟ ଲୁଚାଉଛନ୍ତି। ଚୋରି ପରେ ୨ଜଣ ପସନ୍ଦ ହେଉ ନଥିବା ଦର୍ଶାଇ ଆରାମରେ ଚାଲି ଯାଇଛନ୍ତି। ସନ୍ଦେହ ହେବାରୁ ସିସି ଟିଭି ଯାଞ୍ଚ କରାଯାଇଥିଲା। ଚୋରି କରୁଥିବା ଦୃଶ୍ୟ ସିସି ଟିଭିରେ କଏଦ ହୋଇଥିବା ମାଲିକ ଦେଖିଥିଲେ। ସହରାଞ୍ଚଳରେ ଏନେଇ ଲିଖିତ ଅଭିଯୋଗ ସହ ସିସି ଟିଭିରେ ରହିଥିବା ଚୋରି ଦୃଶ୍ୟର ଭିଡିଓ ପ୍ରମାଣ ସ୍ୱରୁପ ଦେଇଛନ୍ତି।
Comments are closed.