ଚୌଦ୍ୱାର : ଚୌଦ୍ୱାର ରୋଟାରୀ କ୍ଳବ ଆନୁକୁଲ୍ୟରେ ଗୁରୁପୂଜନ ଉତ୍ସବ ଅନୁଷ୍ଠିତ ହୋଇଯାଇଛି । କ୍ଲବ ସଭାପତି କ୍ଷିତିନ୍ଦ୍ର ନାଥ କାନୁନଗୋଙ୍କ ପୌରୋହିତ୍ୟରେ ଶ୍ରୀ ସାଇବିହାରସ୍ଥିତ ରୋଟାରୀ ଭବନରେ ଆୟୋଜିତ ଏହି କାର୍ଯ୍ୟକ୍ରମରେ ରୋଟାରୀ ପ୍ରାକ୍ତନ ଗଭର୍ଣ୍ଣର ଅଟଳ ବିହାରୀ ମହାପାତ୍ର ଓ ସହକାରୀ ଗଭର୍ଣ୍ଣର ମନୋରଞ୍ଜନ ଆଚାର୍ଯ୍ୟ ଅତିଥି ଭାବେ ଯୋଗ ଦେଇ ଏକ ସୁସ୍ଥ ସମାଜ ଗଠନ ପାଇଁ ଉପଯୁକ୍ତ ଦାୟାଦ ସୃଷ୍ଠି କରିବାରେ ଗୁରୁମାନଙ୍କ ଭୂମିକା ଅତୁଳନୀୟ ବୋଲି ମତବ୍ୟକ୍ତ କରିଥିଲେ। ଏହି ଅବସରରେ ଅଞ୍ଚଳର ୨୦ଜଣ ଆଦର୍ଶ ଶିକ୍ଷକଙ୍କୁ ସମ୍ବର୍ଦ୍ଧିତ କରାଯାଇଥିଲା । ଚୌଦ୍ୱାର ସାହିତ୍ୟ ସଂସଦର ସଂପାଦକ ଦିବ୍ୟଜ୍ୟୋତି ପାଣି କାର୍ଯ୍ୟକ୍ରମ ପରିଚାଳନା କରିଥିଲେ। ଡା. ଶ୍ରାବଣୀ ବନ୍ଦୋପାଧ୍ୟାୟ ସ୍ୱାଗତ ଭାଷଣ ଓ ଶରତ କୁମାର ଖୁଣ୍ଟିଆ ଅତିଥି ପରିଚୟ ପ୍ରଦାନ କରିଥିଲେ । ସଂପାଦକ ସଞ୍ଜିତ କୁମାର ଜେନା, ବିଶ୍ୱକଲ୍ୟାଣ ଦାସ, ପ୍ରତାପ କୁମାର ଶତପଥି, ରବୀନ୍ଦ୍ର କୁମାର ସାହୁ, ଭାସ୍କର ପ୍ରସାଦ ମହାପାତ୍ର ପ୍ରମୁଖ କାର୍ଯ୍ୟକ୍ରମରେ ସହଯୋଗ କରିଥିଲେ। ଜୟଶ୍ରୀ ମହାନ୍ତି ଧନ୍ୟବାଦ ଅର୍ପଣ କରିଥିଲେ।
Comments are closed.