ନୂଆଦିଲ୍ଲୀ : ଆଜି କାଲି ସବୁ କିଛି ମହଙ୍ଗା ହେବାରେ ଲାଗିଛି । ପନିପରିବାଠୁ ଆରମ୍ଭ କରି ପିଲାଙ୍କ ପାଠ ପଢା ପର୍ଯ୍ୟନ୍ତ ସବୁଥିରେ ଅଧିକ ପଇସା ଖର୍ଚ୍ଚ ହେଉଛି । ଆଉ ଯଦି କାହାର ଦେହ ଖରାପ ହେଉଛି ତେବେ ଚିକିତ୍ସା ଖର୍ଚ୍ଚରେ ସଞ୍ଚୟ କରିଥିବା ସବୁ ଟଙ୍କା ଥରକରେ ଖାଲି ହୋଇଯାଉଛି । ଆଉ ଏସବୁରେ ଅଧିକ ହଇରାଣ ହୁଅନ୍ତି ଘରୋଇ ଚାକିରୀ କରିଥିବା ଲୋକେ । ତେବେ କିଛି ଖାସ୍ ଉପାୟ ଆପଣାଇ ଏଭଳି ଆର୍ଥିକ ସମସ୍ୟାକୁ ଦୂର କରିହେବ । ଆସନ୍ତୁ ଜାଣିବା…
ନିବେଶ କରନ୍ତୁ
ଆର୍ଥିକ ବିଶେଷଜ୍ଞଙ୍କ ଅନୁସାରେ ଆପଣ ଯେତେ ଆୟ କଲେ ମଧ୍ୟ ସର୍ବପ୍ରଥମେ ଏକ ନିର୍ଦ୍ଧାରିତ ରାଶି ଲଗାତର ନିବେଶ କରନ୍ତୁ ଏବଂ ବଳକା ପଇସାରେ ନିଜ ଖର୍ଚ୍ଚ ତୁଲାନ୍ତୁ । ଏଥିରେ ଆପଣ ଖୁବ୍ ଶୀଘ୍ର ଆର୍ଥିକ ସ୍ବାଧୀନତା ପାଇପାରିବେ ।
ପଇସା ବଞ୍ଚାଇବା ଶିଖନ୍ତୁ
ଜରୁରିକାଳୀନ ପରିସ୍ଥିତି ପାଇଁ ପଇସା ବଞ୍ଚାଇବା ଉଚିତ୍ । ଯାହା ଫଳରେ ଭବିଷ୍ୟତରେ ଅଚାନକ ଦରକାର ପଡିଲେ ପାଖରେ ପଇସା ସମସ୍ୟା ରହିବନି ।
ଏକାଧିକ ଆୟର ଉତ୍ସ ରଖନ୍ତୁ
ଘରୋଇ ଚାକିରି କରିଥିବା ଲୋକଙ୍କ ସାମ୍ନାରେ ଅନେକ ସମସ୍ୟା ଆସିଥାଏ । ତେଣୁ କରି ସେସବୁର ସମାଧାନ କରିବା ପାଇଁ ଆୟର ଅନେକ ଉତ୍ସ ରଖିବା ଉଚିତ୍ । କେବେ ବି ଗୋଟିଏ ଆୟ ଉପରେ ନିର୍ଭର କରନ୍ତୁ ନାହିଁ ।
ଖର୍ଚ୍ଚ କମ୍, ନିବେଶ ଅଧିକ
ଘରୋଇ ଚାକିରିରି କିଛି ସ୍ଥାୟୀତ୍ବ ନଥାଏ । ଏଭଳି କ୍ଷେତ୍ରରେ ଖର୍ଚ୍ଚ କମ୍ କରି ନିବେଶ ଅଧିକ କରିବା ଉଚିତ୍ । ନିଜ ପୋର୍ଟଫୋଲିଓକୁ ମଜଭୁତ କରନ୍ତୁ । ଦରମା ବଦଳରେ ଅନ୍ୟ ଆୟ ପାଇଁ ସବୁବେଳେ ପ୍ରସ୍ତୁତ ରୁହନ୍ତୁ ।
ସେୟାର ମାର୍କେଟ ବା ମ୍ୟୁଚୁଆଲ୍ ଫଣ୍ଡ୍
ବିଶେଷଜ୍ଞଙ୍କ କହିବାନୁସାରେ ସେୟାର ମାର୍କେଟ୍ ଯେତେ କମ୍ ସମୟରେ ଅଧିକ ରିଟର୍ଣ୍ମ ଦେଇଥାଏ ସେଥିରେ ସେତେ ଆଶଙ୍କା ମଧ୍ୟ ଥାଏ । ତଥାପି ଏଥିରେ ଲୋକେ ନିବେଶ କରନ୍ତି । ଆପଣ ମ୍ୟୁଚୁଆଲ ଫଣ୍ଡ୍ ବା ଏସଆଇପିରେ ମଧ୍ୟ ନିବେଶ କରିପାରିବେ ।
ଏମରଜେନ୍ସି ଫଣ୍ଡ୍ ପ୍ରସ୍ତୁତ କରନ୍ତୁ
କୌଣସି ବି ଜରୁରିକାଳୀନ ପରିସ୍ଥିତି ପାଇଁ ଏକ ଜରୁରି ଫଣ୍ଡ୍ ପ୍ରସ୍ତୁତ କରନ୍ତୁ । ଏମରଜେନ୍ସି ଫଣ୍ଡ୍ ମାସିକ ଦରମାର ଅତି କମରେ ୬ ଗୁଣା ହେବା ଉଚିତ୍ । ଖାତାରେ ଏହି ପଇସା ଜମା ରଖିବା ଉଚିତ୍ ।
ବୀମା ନେବାକୁ ଭୁଲନ୍ତୁ ନାହିଁ
ବଢୁଥିବା ଦରବୃଦ୍ଧିରେ ଯଦି ଆପଣଙ୍କ ପାଖରେ ସଠିକ୍ ସ୍ବାସ୍ଥ୍ୟ ବୀମା ଅଛି ତେବେ ବଡ ସଞ୍ଚୟ ହୋଇପାରେ । ନଚେତ୍ କେବେ ବି ଆୟର ଏକ ବଡ ଅଂଶ ସମାପ୍ତ ହୋଇପାରେ । ଏଥିପାଇଁ ସ୍ବାସ୍ଥ୍ୟ ବୀମା, ଟର୍ମ ପଲିସି ନେବା ଉଚିତ୍ ।
Comments are closed.