ଭୁବନେଶ୍ବର: ଆସୁଛି ବଡ଼ ବର୍ଷା । ସେପ୍ଟେମ୍ବର ୨୬ରେ ଉତ୍ତର କେନ୍ଦ୍ରୀୟ ବଙ୍ଗୋପସାଗରରେ ସୃଷ୍ଟି ହେବ ଲଘୁଚାପ । ୨୭ ସକାଳେ ଅବପାତରେ ପରିଣତ ହୋଇ ଦକ୍ଷିଣ ଓଡ଼ିଶା ଓ ଆନ୍ଧ ଉପକୂଳ ଦେଇ ଅତିକ୍ରମ କରିବ । ତେଣୁ ୨୭ରୁ ଓଡ଼ିଶାରେ ତାର ପ୍ରଭାବ ଦେଖିବାକୁ ମିଳିବ ।
ଲଘୁଚାପ ଜନିତ ବର୍ଷା ପାଇଁ ଆଲର୍ଟ ଜାରି କରିଛନ୍ତି ଏସଆରସି । ୧୮ଟି ଜିଲ୍ଲାର ଜିଲ୍ଲାପାଳଙ୍କ ସହ ଭିଡିଓ କନଫରେନସିଂ ଜରିଆରେ ବୈଠକ କରିଛନ୍ତି ସ୍ବତନ୍ତ୍ର ରିଲିଫ କମିଶନର । ୩ଟି ଜିଲ୍ଲା ବର୍ଷାରେ ବିଶେଷ ପ୍ରଭାବିତ ହେବାର ସମ୍ଭାବନା ରହିଛି । ନବରଙ୍ଗପୁର, କୋରାପୁଟ ଓ ମାଲକାନଗିରି ଜିଲ୍ଲାରେ ପ୍ରବଳରୁ ଅତି ପ୍ରବଳ ବର୍ଷା ସମ୍ଭାବନା ଥିବାରୁ ଉକ୍ତ ୩ଜିଲ୍ଲାର ଜିଲ୍ଲାପାଳଙ୍କୁ ଆଲର୍ଟ ରହିବାକୁ ନିର୍ଦ୍ଦେଶ ଦିଆଯାଇଛି ।
- Advertisement -
ଆବଶ୍ୟକ ପଡ଼ିଲେ ଅଗ୍ନିଶମ ସେବା ଏବଂ ଓଡ୍ରାଫ ଟିମ୍ କୁ ନିୟୋଜିତ କରାଯିବ । ଡ୍ରେନେଜ ଇଞ୍ଜିନିୟରଙ୍କୁ ପ୍ରସ୍ତୁତ ରହିବାକୁ କୁହାଯାଇଛି । ବନ୍ୟା ମୁକାବିଲା ପାଇଁ ଯନ୍ତ୍ରପାତି ସହ ପ୍ରସ୍ତୁତ ରହିବାକୁ କୁହାଯାଇଛି ।
