ନୂଆଦିଲ୍ଲୀ : ସାମସଙ୍ଗ ଏକ ସ୍ମାର୍ଟ ରିଂ ନେଇଆସିଛି ଯାହା ସ୍ମାର୍ଟଫୋନ୍ ଓ ସ୍ମାର୍ଟଓ୍ବାଚର କାମ କରିବ । ଏହାକୁ ଆଙ୍ଗୁଠିରେ ପିନ୍ଧି ୨୪ ଘଣ୍ଟା ଏବଂ ୭ ଦିନ ସ୍ବାସ୍ଥ୍ୟ ସମ୍ପର୍କିତ ଅପଡେଟକୁ ଟ୍ରାକ୍ କରିହେବ । ଏହି ରିଙ୍ଗ୍ ୩ ପ୍ରକାର ରଙ୍ଗ କଳା, ସିଲଭର ଓ ଟାଇଟେନିୟମ ଗୋଲ୍ଡରେ ଉପଲବ୍ଧ ହେବ । ସ୍ମାର୍ଟ ରିଙ୍ଗ୍ ଇ-କମର୍ସ ଓ୍ବେବସାଇଟ ଆମାଜନ ଓ ଫ୍ଲିପକାର୍ଟରେ ଗ୍ରାହକଙ୍କ ପାଇଁ ଉପଲବ୍ଧ ହେବ ।
ସ୍ମାର୍ଟ ରିଙ୍ଗରେ ସ୍ଲିପ ଆନାଲିସିସ୍, ସ୍ଲିପ୍ ସ୍କୋର ଭଳି ଫିଚର ରହିଛି । ଏହି ଫିଚର ସାହାଯ୍ୟରେ ଆପଣ ନିଜ ନିଦକୁ ଟ୍ରାକିଂ କରିପାରିବେ । ଏହା ଆପଣଙ୍କ ଶାରିରୀକ ଓ ମାନସିକ ସ୍ବାସ୍ଥ୍ୟର ମଧ୍ୟ ଦେଖାରଖା କରିବ । ଯେଉଁମାନେ ସ୍ମାର୍ଟଓ୍ବାଚ୍ ପିନ୍ଧିବାକୁ ପସନ୍ଦ କରନ୍ତିନି ସେମାନଙ୍କ ପାଇଁ ଏହା ଏକ ଉତ୍ତମ ବିକଳ୍ପ ହେବ । ଥରେ ଚାର୍ଜ କଲେ ଏହା ୭ ଦିନ ଚାଲିପାରିବ । ଏହାର ଦାମ୍ ୩୮,୯୯୯ ଟଙ୍କା ରଖିଛି କମ୍ପାନୀ ।
