ସମ୍ବଲପୁର: ସ୍ଥାନୀୟ ବରେଇପାଲି ଅଞ୍ଚଳରେ ଏକ ବୁଲେଟ ଧକ୍କାରେ ଜଣେ ସାଇକେଲ ଆରୋହୀଙ୍କ ମୃତ୍ୟୁ ହୋଇଛି। ପ୍ରାପ୍ତ ସୂଚନାନୁଯାୟୀ ଆଜି ରେମେଡ ଛକ ନିକଟ ସର୍ଭିସ ରାସ୍ତାରେ ବୁର୍ଲା କିର୍ବା ନିବାସୀ ଈଶ୍ୱର ମହାନନ୍ଦ (୫୫) ସାଇକେଲରେ ବରେଇପାଲି ଯାଉଥିଲେ। ସେହି ସମୟରେ ବୁଲେଟ ଅଚାନକ ଆସି ତାଙ୍କୁ ଜୋରରେ ଧକ୍କା ଦେଇଥିଲା। ଫଳରେ ଈଶ୍ୱର ମହାନନ୍ଦ ସାଇକେଲ ସହିତ ଦୂରକୁ ଛିଟକି ପଡିଥିଲେ ଏବଂ ରାସ୍ତା କଡରେ ଥିବା ଡିଭାଇଡରରେ ତାଙ୍କର ମୁଣ୍ଡ ପିଟି ହୋଇଯାଇଥିଲା। ଫଳରେ ସେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଦୁର୍ଘଟଣା ଘଟାଇ ବୁଲେଟ ଚାଳକ ଘଟଣାସ୍ଥଳରୁ ଫେରାର ହୋଇଯାଇଥିଲେ। ଖବର ପାଇ ପୁଲିସ ଈଶ୍ବର ମହାନନ୍ଦଙ୍କ ମୃତଦେହକୁ ଉଦ୍ଧାର ପରେ ବ୍ୟବଚ୍ଛେଦ ପାଇଁ ପଠାଇଥିଲା। ଏ ନେଇ ଏକ ମାମଲା ବରେଇପାଲି ଥାନାରେ ରୁଜୁ କରି ତଦନ୍ତ ଜାରି ରଖିଛି।
Comments are closed.