ମାନିଲା (ଫିଲିପାଇନ୍ସ): ଦୁଇଥର ଅଲିମ୍ପିକ୍ସ ପଦକ ବିଜେତା ପି.ଭି ସିନ୍ଧୁ ଏଠାରେ ଚାଲିଥିବା ବ୍ୟାଡମିଣ୍ଟନ ଏସିଆନ ଚମ୍ପିଆନସିପ୍ର ସେମିଫାଇନାଲରେ ପ୍ରବେଶ କରିଛନ୍ତି। ଏଥି ସହିତ ସିନ୍ଧୁ ଉକ୍ତ ପ୍ରତିଯୋଗିତାରେ ଏକ ପଦକ ପକ୍କା କରିଛନ୍ତି। ୨୦୧୪ ପରେ ସିନ୍ଧୁ ଉକ୍ତ ପ୍ରତିଯୋଗିତାରେ ନିଜର ଚମକ ଦେଖାଇ ଚମ୍ପିଆନ ଅଭିମୁଖେ ଅଗ୍ରସର ହୋଇଛନ୍ତି। ଶୁକ୍ରବାର ଖେଳାଯାଇଥିବା ମହିଳା ଏକକ କ୍ବାର୍ଟର ଫାଇନାଲରେ ୪ର୍ଥ ସିଡ୍ ସିନ୍ଧୁ ୩ୟ ସିଡ୍ ଚୀନ୍ର ହି ବିଙ୍ଗ ଜିଆଓଙ୍କୁ ୨୧-୯, ୧୩-୨୧ ଓ ୨୧-୧୯ରେ ପରାସ୍ତ କରି ସେମିଫାଇନାଲରେ ପହଞ୍ଚିଛନ୍ତି।
ସିନ୍ଧୁ ପ୍ରଥମ ସେଟ୍କୁ ୨୧-୯ ଅତି ସହଜରେ ଜିତି ନେଇଥିବାବେଳେ ଦ୍ବିତୀୟ ସେଟ୍କୁ ଜିଆଓ ପ୍ରତ୍ୟାବର୍ତ୍ତନ କରିଥିଲେ। ଦ୍ବିତୀୟ ସେଟ୍କୁ ଜିଆଓ ୧୩-୨୧ରେ ଜିତି ନେଇଥିଲେ। ଅନ୍ତିମ ସେଟ୍ର ପ୍ରଥମ ବିରତି ସୁଦ୍ଧା ଜିଆଓ ୧୧-୧୦ରେ ଆଗୁଆ ରହିଥିଲେ । ପରେ ସିନ୍ଧୁ ପ୍ରତ୍ୟାବର୍ତ୍ତନ କରିଥିଲେ ମଧ୍ୟ ଜିଆଓ କଡା ଟକ୍କର ଦେଇଥିଲେ। ଏକ ସମୟରେ ଜିଆଓ ୧୮-୧୬ରେ ଆଗୁଆ ରହିଥିଲେ। ଶେଷ ୫ ସେଟ୍ରେ ସିନ୍ଧୁ ଚମତ୍କାର ପ୍ରଦର୍ଶନ କରି ମ୍ୟାଚକୁ ୨୧-୧୯ରେ ଜିତିବାରେ ସଫଳ ହୋଇଥିଲେ। ସିନ୍ଧୁ ଓ ବିଙ୍ଗ ଜିଆଓଙ୍କ ମଧ୍ୟରେ ୧୭ତମ ମୁକାବିଲା ଥିଲା। ଏଥିରେ ସିନ୍ଧୁ ୮ଥର ଓ ବିଙ୍ଗ ଜିଆଓ ୯ଥର ବିଜେତା ହୋଇଛନ୍ତି।
Comments are closed.