ଧଉଳି ଥାନା ଅଞ୍ଚଳରେ ମାତିଛନ୍ତି ସିନ୍ଧିଚୋର, ୨୦ ଦିନରେ ୪ ଘରେ ବୁଲାଇଲେଣି କଳାକନା

ଭୁବନେଶ୍ୱର: କମିସନରେଟ ପୁଲିସ ଅଧୀନ ଧଉଳି ଥାନାଅଞ୍ଚଳରେ ସିନ୍ଧିଚୋର ମାତିଛନ୍ତି I ୨୦ ଦିନ ମଧ୍ୟରେ ୪ଟି ଘରେ କଳାକନା ବୁଲାଇଲେଣି ଗୁରୁବାର ରାତିରେ ପୁଣି ଏକ ଲୁଟ୍‌ପାଟ କରି ଦୁର୍ବୃତ୍ତ ଆତଙ୍କ ରଚିଛନ୍ତି I ଝରକା ତାଡ଼ି ୨୦ ଲକ୍ଷ ଟଙ୍କାର ସୁନାଅଳଙ୍କାର ସହ ନଗଦ ୧ ଲକ୍ଷ ଟଙ୍କା ଲୁଟି ଫେରାର ହୋଇଛନ୍ତି ସିନ୍ଧିଚୋରା ଏହି ଘଟଣାଶି ଶୁପାଳଗଡ଼ଗଙ୍ଗୋତ୍ରୀନଗର ଲେନ୍-୧ରେ ଘଟିଛି ଘରେ କେହି ନଥିବା ସୁଯୋଗ ନେଇ ଲୁଟିଆ ଲୁଟିଛନ୍ତି । ଏନେଇ ଘର ମାଲିକ ପ୍ରମୋଦ କୁମାର ଜେନା ଥାନାରେ ଲିଖତ ଅଭିଯୋଗ କରିଛନ୍ତି। ତାଙ୍କ ଅଭିଯୋଗକୁ ଆଧାର କରି ପୁଲିସ ଓ ସାଇଣ୍ଟିଫିକ୍ ଦଳ ଘଟଣାସ୍ଥଳରେ ପହଞ୍ଚି ତଦନ୍ତ କରି ଫେରିଛନ୍ତି। ସମ୍ପୃକ୍ତ ଦୁର୍ବୃତ୍ତଙ୍କ ସମ୍ପର୍କରେ ପୁଲିସ ସୁରାକ ପାଇନଥିବା ଜଣାପଡିଛି।

ପ୍ରମୋଦ ପରିବାର ସହ ଉକ୍ତ ଘରେ ରହନ୍ତି ।ତାଙ୍କର ୨ ପୁଅ ମଧ୍ୟରୁ ବଡ଼ପୁଅ ୨ ଦିନ ତଳେ ନିଜ ପରିବାର ସହ ସମ୍ପର୍କୀୟଙ୍କ ଘରକୁ ଯାଇଥିଲୋ ବଡ଼ପୁଅ ରହୁଥିବା କୋଠରିରେ କେହି ଶୋଇ ନଥିଲୋ ଏହାର ସୁଯୋଗ ନେଇ ଦୁର୍ବୃତ୍ତ ଝରକା କବାଟ ତାଡ଼ି ଓ ଗ୍ରିଲ୍ ଭାଙ୍ଗି ଘର ମଧ୍ୟକୁ ପ୍ରବେଶ କରିଥିଲେ। ପରେ ଆଲମାରି ଲକ୍ ଭାଙ୍ଗି ଲକର ମଧ୍ୟରେ ଥିବା ସୁନା ଓ ରୁପା ଅଳଙ୍କାର ଏବଂ ୧ ଲକ୍ଷ ଟଙ୍କା ନେଇ ଯାଇଥିଲେ। ଶୁକ୍ରବାର ସକାଳେ ପ୍ରମୋଦଙ୍କ ପତ୍ନୀ ଘର ଓଳାଇବାକୁ ଆସିବା ବେଳକୁ ଖଟ ଉପରେ ଜିନିଷଗୁଡ଼ିକ ବିଛାଇହୋଇ ପଡ଼ିଥିବା ଦେଖୁଥିଲେ । ଦୁର୍ବୃତ୍ତ ଆଲମାରି ଲକରରୁ ୪ ଭରି ଓଜନର ୨ଟି ସୁନାହାର, ୮ ଗ୍ରାମ୍‌ର ସୁନା ଚେନ୍, କାନଫୁଲ ୨ ହଳ ଓ ରୁପା ପାଉଁଜି ୫ ହଳ ନେଇ ଯାଇଥିବା ଜାଣିଥିଲେ ଲୁଟ୍ ସମ୍ପତ୍ତିର ମୂଲ୍ୟ ୨୦ ଲକ୍ଷ ହେବ ବୋଲି ପ୍ରମୋଦ କହିଛନ୍ତି ନିକଟରେ ଲାଗିଥିବା ଚିତ୍ର ଉତ୍ତୋଳନ ଯନ୍ତ୍ରକୁ ପୁଲିସ ଯାଞ୍ଚ କରିଛି।

ଉକ୍ତ ଥାନା ଅଞ୍ଚଳରେ ସିନ୍ଧିଚୋରି ବୃଦ୍ଧି ପାଇବା ପୁଲିସ ପାଇଁ ମୁଣ୍ଡବିନ୍ଧାର କାରଣ ହୋଇଛି କିଛି ଦିନ ତଳେ ବହୁର ୪ଟି ଘଛ ଚୋରି କରିଥିଲୋ ପୁଲିସ ଏପର୍ଯ୍ୟନ୍ତ କାହାରିକୁ ଗିରଫ କରିନାହିଁ କି ଚୋରି ସାମଗ୍ରୀ ଉଦ୍ଧାର କରିପାରିନାହିଁ ଉକ୍ତ ଚୋର ଦଳକୁ ଧରିବା ପୁଲିସ ପାଇଁ ବଡ଼ ଆହ୍ବାନ ହୋଇଛି ନିକଟରେ ପାହାଳ,ବାଲିଅନ୍ତା ଓ ପିପିଲି ଥାନା ଅଞ୍ଚଳରେ ସିନ୍ଧିଚୋର ମାତିଥିବାବେଳେ ଏବେ ଧଉଳି ଥାନା ପୁଲିସର ନିଦ ହଜାଇଲେଣି ଉକ୍ତ ସିନ୍ଧିଚୋର ଦଳଙ୍କୁ ଧରିବା ପାଇଁ କମିସନରେଟ ପୁଲିସ ଏକ ଆଣ୍ଟି ଡକାୟତି ସ୍ୱାଡ୍ ଗଠନ କରିଛି I ଏଥ୍‌ରେ ୧୫୦ ବନ୍ଧୁକଧାରୀ ପୁଲିସ ସାଦା ପୋଷାକରେ ବହୁତଳ କୋଠାସମେତ ବିଭିନ୍ନ ଅଞ୍ଚଳରେ ଜଗୁଛନ୍ତି ଗତ ୯ ତାରିଖରେ ସରଦେଇପୁର ବାପୁଜୀ ହାଇଟ୍‌ରେ ରହୁଥିବା ଘରୋଇ କଲେଜ ଅଧ୍ୟାପକଙ୍କ ଘରୁ ୮ ଲକ୍ଷ ଟଙ୍କାର ସୁନାଗହଣା ଓ ୪୦ ହଜାର ଲୁଟ୍ ହୋଇଥିଲା I ଏହାର ୮ ଦିନ ପରେ ଅର୍ଥାତ ୧୮ ତାରିଖରେ ସ୍ଥାନୀୟ ବିଜୟ ବିହାର ଲେନ୍‌-୨ରୁ ସୁନା ଅଳଙ୍କାର ଚୋରି ହୋଇଥିଲା ୨୩ ତାରିଖରେ ସାଧୁବିହାର କଲୋନୀରୁ ଜଣେ ବ୍ୟବସାୟୀଙ୍କ ଘରେ କଳାକନା ବୁଲାଇଥିଲୋ ଘରେ କେହି ନଥିବା ବେଳେ ଆଲମାରି ଲକର ଭାଙ୍ଗି ଦୁର୍ବୃତ୍ତ ୨ ହଳ ସୁନାଚେନ ଓ କାନଫୁଲ, ରୁପା ପାଉଁଜି ସହ ୧୫ ହଜାର ଟଙ୍କା ଲୁଟି ନେଇଥିଲେ I