ମୁଜାଫର ନଗର : ଉତ୍ତରପ୍ରଦେଶର ମୁଜାଫର ନଗରସ୍ଥିତ ସିଭିଲ ଲାଇନ୍ରେ ଅବସ୍ଥିତ ଏକ ଭଙ୍ଗାରୁଜା ଲୁହା(ସ୍କ୍ରାପ୍) ଦୋକାନରେ ବିସ୍ଫେରଣ ଘଟି ୪ଜଣ ପ୍ରାଣ ହରାଇଛନ୍ତି। ଏହି ଦୁର୍ଘଟଣାରେ ଅନ୍ୟ ୫ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ସଂକଟାପନ୍ନ ରହିଛି। ଦୋକାନର ମାଲିକ ଲୁହା ଭାଙ୍ଗୁଥିବାବେଳେ ଏହି ବିସ୍ଫୋରଣ ଘଟିଥିଲା। ଏଥିରେ ଦୋକାନ ମାଲିକ ତାନ୍ଜିମ୍ଙ୍କ ସହ ନିସାର, ସେହଜାଦ ଓ ନୱାଜିସ୍ ନାମକ ତିନି କର୍ମଚାରୀଙ୍କର ମୃତ୍ୟୁ ଘଟିଥିଲା। ବିସ୍ଫୋରଣ ଏତେ ଭୟଙ୍କର ଥିଲା ଯେ ସେମାନଙ୍କ ଶରୀର କାହିଁ କେତେ ଦୂରକୁ ଚିଟିକି ପଡ଼ିଥିଲା। ବିସ୍ଫୋରଣ ଯୋଗୁଁ ଆଖପାଖ ଘର ଓ ଦୋକାନରେ ନିଆଁ ଲାଗିଯାଇଥିଲା। ଅଗ୍ନିଶମ ବିଭାଗ ତୁରନ୍ତ ପହଞ୍ଚି ଏହାକୁ ଆୟତ୍ତ କରିଥିଲା। ସେନାର ଆତଙ୍କବାଦ ନିରୋଧୀ ବାହିନୀ ଦ୍ୱାରା ଏହି ବିସ୍ଫୋରଣର ତଦନ୍ତ ଆରମ୍ଭ ହୋଇଛି।
