ମେଷ: ଆଜି ଦିନଟି ଆପଣଙ୍କ ପାଇଁ ଅତ୍ୟନ୍ତ ସୁଖଦାୟକ ହେବ। କର୍ମକ୍ଷେତ୍ରରୁ ଅପୂର୍ବ ସଫଳତା ମିଳିବ। ଭୋଜନ ସୁସ୍ବାଦୁ ହେଲେ ବି ଲୋଭଗ୍ରସ୍ତ ହୋଇ ଅଗ୍ନିମାନ୍ଦ୍ୟର ଶିକାର ହୋଇପାରନ୍ତି। ଈଶ୍ବର ବିଶ୍ବାସୀ ହେବେ।
ବୃଷ: ପ୍ରତ୍ୟେକ କ୍ଷେତ୍ରରେ ଭ୍ରାତୃ ସହଯୋଗ ମିଳିବ। ଶତ୍ରୁକୁ ପରାଜିତ କରି ମାନସିକ ଶାନ୍ତି ଫେରିପାଇବେ। ନିଜର ଦାମ୍ଭିକତା ପ୍ରକାଶ କରିପାରନ୍ତି। ଋଣ ପରିଶୋଧ କରି ଆଶ୍ବସ୍ତ ହେବେ। ଶୁଭକାର୍ଯ୍ୟ କରଣୀୟ।
ମିଥୁନ: ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ପଢ଼ାପଢ଼ିରେ ମନୋନିବେଶ କରିବେ। ନ୍ୟାୟାଧୀଶଭାବେ ଅଭିଯୋଗର ମାନଦଣ୍ଡକୁ ବିଚାରକୁ ନେଇପାରନ୍ତି। ଅର୍ଜିତ ଅର୍ଥ ପ୍ରାପ୍ତ ହେବେ। ସୁସ୍ଥ ରହିବେ।
କର୍କଟ: ଆପଣଙ୍କ ଉଦାର ଭାବ ଜନସାଧାରଣଙ୍କ ପାଇଁ କଲ୍ୟାଣକାରୀ ହେବ। ଅସହିଷ୍ଣୁମାନେ ଆପଣଙ୍କୁ ବିପଦରେ ପକାଇ ପାରନ୍ତି। ଶ୍ରମ ସାର୍ଥକ ହେବ। ଶ୍ରମ କାତର ନ ହୋଇ ଚଳଚଞ୍ଚଳ ଓ କାର୍ଯ୍ୟକ୍ଷମ ହେବେ।
ସିଂହ: ଆର୍ଥିକ ସ୍ଥିତିରେ ସ୍ବଚ୍ଛଳତା ଦେଖା ଦେବ। ଠାକୁରଙ୍କ ଦର୍ଶନ ଲାଭ କରି ତେଜସ୍ବୀ ହୋଇପାରନ୍ତି। ଅଶାନ୍ତି ଦୂର ହେବ। ଉଚ୍ଚ ଆଶା ଫଳବତି ହୋଇପାରେ। ସଞ୍ଚୟାଭିମୁଖୀ ହେବେ। ସର୍ବତ୍ର ଆଦରଣୀୟ ହେବେ।
କନ୍ୟା: ଆଶାବାଦୀ ହେବେ। ବିବିଧ ଉପାୟରେ ଧନ ଅର୍ଜନ କରିପାରନ୍ତି। ବ୍ୟବସାୟ ଅତ୍ୟନ୍ତ ଲାଭଦାୟକ ହେବ। କୃତୀ ପ୍ରତିଯୋଗୀଭାବେ ପୁରସ୍କୃତ ହେବେ। କର୍ମଚଞ୍ଚଳ ରହିବେ। ମତିମାନ୍ ହୋଇପାରନ୍ତି।
ତୁଳା: ସମ୍ବର୍ଦ୍ଧନାଜନିତ ଆୟ ଆଶାନୁରୂପ ହେବେ। ସରକାରୀ ସ୍ତରରୁ ଅର୍ଥାଗମ ହୋଇପାରେ। ଚିନ୍ତାଧାରା ଉନ୍ନତମାନର ହେବ। ମିଷ୍ଟାନ୍ନ ଭୋଜନରେ ଆପ୍ୟାୟିତ ହେବେ। ଧର୍ମକର୍ମ ସମ୍ପାଦନ କରିବେ।
ବିଛା: ଗୁରୁତ୍ବପୂର୍ଣ୍ଣ କାର୍ଯ୍ୟରେ ନିବିଷ୍ଟ ରହି ଅଯଥା ବିତର୍କରୁ ଓହରିଯାଇ ପାରନ୍ତି। ମଧୁର ଭାଷା, ନମନୀୟ ବ୍ୟବହାର ଦ୍ବାରା ପରକୁ ଆପଣାର କରିପାରନ୍ତି। ବ୍ୟୟ ବୃଦ୍ଧିର ସୂଚନା ମିଳୁଛି। କର୍ତ୍ତବ୍ୟପରାୟଣ ହେବେ।
ଧନୁ: ଅଧିକ ଜ୍ଞାନ ଅର୍ଜନ ପାଇଁ ଆଗ୍ରହୀ ହେବେ। ସତ୍କର୍ମରେ ନିଜକୁ ନିୟୋଜିତ କରିପାରନ୍ତି। ସରକାରୀ ସ୍ତରରୁ ଅର୍ଥ ସହିତ ସମ୍ମାନ ପ୍ରାପ୍ତିର ସୂଚନା ମିଳୁଛି। ଶ୍ରମ ସାର୍ଥକ ହେବ। କର୍ମକ୍ଷେତ୍ରରେ ଉତ୍ସାହ ବୃଦ୍ଧି ପାଇବ।
ମକର: କାର୍ଯ୍ୟର ସଫଳ ରୂପାୟନ କରି ପ୍ରଶଂସାର ପାତ୍ର ହେବେ। ପରିଶ୍ରମର ମୂଲ୍ୟ ମିଳିବ। ସରକାର ଓ ବେସରକାରୀ ଉଭୟ ସ୍ତରରୁ ଅର୍ଥ ପ୍ରାପ୍ତିର ସୂଚନା ମିଳୁଛି। ଦୟାବାନ୍ ବ୍ୟକ୍ତିଭାବେ ପ୍ରଶଂସାର ପାତ୍ର ହେବେ।
କୁମ୍ଭ: କାର୍ଯ୍ୟର ସଫଳତା ଲାଭ କରିବେ। ପ୍ରଭୂତ କ୍ଷମତା ପ୍ରାପ୍ତ ହୋଇ ବି କ୍ଷମତାର ବିକେନ୍ଦ୍ରୀକରଣ ଦ୍ବାରା ସମସ୍ତଙ୍କର ପ୍ରିୟପାତ୍ର ହୋଇପାରନ୍ତି। ସେବା ଭାବନାରେ ଉଦ୍ବୁଦ୍ଧ ହୋଇପାରନ୍ତି। କଲ୍ୟାଣକାରୀ ହେବେ।
ମୀନ: ଧୈର୍ଯ୍ୟ ଓ ସାହସ ସଞ୍ଚୟ କରି ଆଶୁ ବିପଦର ସମ୍ମୁଖୀନ ହୋଇପାରନ୍ତି। ସାମାନ୍ୟ ଅସୁସ୍ଥ ଥାଇ ବି କର୍ତ୍ତବ୍ୟ ପଥରୁ ହୁଡିବେ ନାହିଁ। ଶୁଭକାର୍ଯ୍ୟ ସ୍ଥଗିତ ରଖିବାକୁ ପଡ଼ିବ। ସତର୍କରେ ଚଳିବାକୁ ପଡ଼ିବ।
Comments are closed.