ପ୍ରତ୍ୟେକ ବଲିଉଡ୍ ଷ୍ଟାର ନିଜ ସୁରକ୍ଷା ଲାଗି ବଡିଗାର୍ଡ ରଖିଥାନ୍ତି। କିନ୍ତୁ ସଲ୍ମାନ ଖାନ୍ଙ୍କ ସୁରକ୍ଷା ଦାୟିତ୍ୱରେ ଥିବା ଶେରା ସମସ୍ତଙ୍କଠାରୁ ଅଲଗା। ସେ ସଲ୍ମାନଙ୍କ ଛାଇ ବୋଲି କହିଲେ ଭୁଲ୍ ହେବନି।
ଶେରା ନଥିଲେ ସଲ୍ମାନ ଗାଡିରୁ ବାହାରନ୍ତି ନାହିଁ କି ପ୍ରଶଂସକମାନଙ୍କ ପାଖକୁ ଯାଆନ୍ତିନାହିଁ। ଗତ ୨୦ବର୍ଷ ହେବ ଶେରା ତାଙ୍କ ସୁରକ୍ଷାରେ ନିୟୋଜିତ। ଏକ ଶିଖ୍ ପରିବାରର ସଦସ୍ୟ ଶେରାଙ୍କର ପ୍ରକୃତ ନାଁ ଗୁରମିତ ସିଂହ ଜୋଲି।
ସଲ୍ମାନଙ୍କ ପୂର୍ବରୁ ସେ ଭାରତ ଆସୁଥିବା ବିଦେଶୀ ସେଲିବ୍ରିଟିମାନଙ୍କ ସୁରକ୍ଷା ଦାୟିତ୍ୱରେ ରହୁଥିଲେ। ଟାଇଗର ସିକ୍ୟୁରିଟି ସର୍ଭିସେସ୍ ନାମରେ ତାଙ୍କର ଏକ ଏଜେନ୍ସି ମଧ୍ୟ ରହିଛି। ଏହା ମାଧ୍ୟମରେ ବଡବଡ ସେଲିବ୍ରିଟିଙ୍କୁ ସୁରକ୍ଷା ଯୋଗାଯାଏ। କିଛିଦିନ ତଳେ ଭାରତ ଆସିଥିବା ହଲିଉଡ ଷ୍ଟାର ଜଷ୍ଟିନ୍ ବିବରଙ୍କ ସୁରକ୍ଷା ଦାୟିତ୍ୱ ମଧ୍ୟ ଶେରାଙ୍କୁ ଦିଆଯାଇଥିଲା।
