ଫୁଲବାଣୀ :ଫୁଲବାଣୀ ବ୍ଳକର ଅନ୍ତର୍ଗତ ଜାମୁଝରି ଉଚ୍ଚ ବିଦ୍ୟାଳୟ ତୃତୀୟ ବାର୍ଷିକ ଉତ୍ସବ ଜିଲା ଶିକ୍ଷା ଅଧିକାରୀ ପ୍ରମୋଦ କୁମାର ଷଡଙ୍ଗୀଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି। ଏହି ଅବସରରେ ବିଦ୍ୟାଳୟ ପରିସରରେ ସ୍ଥାପନ କରଯାଇଥିବା ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଥିଲା।
ଉତ୍ସବରେ ମୁଖ୍ୟ ଅତିଥି ଭାବେ ଫୁଲବାଣୀ ବିଧାୟକ ଉମା ଚରଣ ମଲ୍ଲିକ, ମୁଖ୍ୟ ବକ୍ତା ଭାବେ ଟିକାବାଲି ବିଇଓ ଜଗନ୍ନାଥ ସାହାଣୀ , ସମ୍ମାନିତ ଅତିଥି ଭାବେ ଫୁଲବାଣୀ ବିଇଓ ରଞ୍ଜନ କୁମାର କହଁର , ପରିଚାଳନା କମିଟିର ସଭାପତି ରୋହିତ କହଁର, ଜିଲା ବିଜ୍ଞାନ ନିରୀକ୍ଷକ ଅଶୋକ ପାତ୍ର , ଜାମୁଝରି ସରପଞ୍ଚ ଳଲିତା କହଁର , ସିଆରସିସି ରାଜ କିଶୋର ପ୍ରଧାନ , ମୋ ସ୍କୁଲ ଅଭିଯାନର ସଭାପତି କଳିଆ ଷାଣ୍ଢ ପ୍ରମୁଖ ଯୋଗ ଦେଇ କୁନି କୁନି ପିଲାଙ୍କୁ ଉତ୍ତମ ଶିକ୍ଷାର୍ଥୀ ହେବା ସହ ଖେଳ ଓ ବିଜ୍ଞାନରେ ମଧ୍ୟ ରୁଚି ରଖିବା ଆବଶ୍ୟକ ବୋଲି ପରାମର୍ଶ ଦେଇଥିଲେ।
ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପ୍ରମିଳା କୁମାରୀ ଦାସ ବାର୍ଷିକ ବିବରଣୀ ପାଠ କରିଥିଲେ। ବିନୋଦ ସାହୁ ମଞ୍ଚ ପରିଚାଳନା କରିଥିବା ବେଳେ କବିତା ବାଳା ନାୟକ ଧନ୍ୟବାଦ ଅର୍ପଣ କରିଥିଲେ।
