ସଇଁନ୍ତଲା: ବଲାଙ୍ଗିର ଜିଲା ସଇଁନ୍ତଲା ଥାନା କରମତଲା ପଞ୍ଚାୟତ ସ୍ଥିତ ଛନଛଡ଼ା ପେଣ୍ଡରାମାଲ ଲାନ୍ଥ ନଦୀ କୂଳରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଛି। ନଦୀ କୂଳରେ ମୃତଦେହ ପଡିଥିବା ଦେଖି ସ୍ଥାନୀୟ ଲୋକେ ସଇଁନ୍ତଲା ପୁଲିସକୁ ଖବର ଦେଇଥିଲେ। ଥାନା ଅଧିକାରୀ ଅବନୀ ସାହୁ ଓ ପୁଲିସ ଦଳ ଘଟଣାସ୍ଥଳରେ ପହଞ୍ଚି ପାରିପାର୍ଶିକ ସ୍ଥିତି ଅନୁଧ୍ୟାନ କରିଥିଲେ। ଏହାପରେ ପୁଲିସ ପ୍ରାଥମିକ ଭାବେ ଏକ ଅପମୃତ୍ୟୁ ମାମଲା ରୁଜୁ କରି ମୃତଦେହ ବ୍ୟବଚ୍ଛେଦ ପାଇଁ ପଠାଇଛି। ଏଥିସହିତ ମୃତକଙ୍କୁ କେହି ଚିହ୍ନି ନ ଥିବା ଜଣାପଡ଼ିଛି। ତେଣୁ ଏନେଇ ପୁଲିସ ଖୋଳତାଡ ଆରମ୍ଭ କରିଛି। ମୃତକଙ୍କ ବୟସ ପ୍ରାୟ ୫୫ ହେବ ବୋଲି ଅନୁମାନ କରାଯାଉଛି।
Comments are closed.