ମୁମ୍ବାଇ : ଏକଦିବସୀୟ କ୍ରିକେଟରେ ଭାରତୀୟ ଦଳର ଉପଅଧିନାୟକ ତଥା ହିଟ୍ମ୍ୟାନ ଭାବେ ପରିଚିତ ରୋହିତ ଶର୍ମା ଚଳିତ ବର୍ଷ ଉଭୟ ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ ) ଓ ଟ୍ବେଣ୍ଟି୨୦ ବିଶ୍ବକପ ଖେଳିବା ନେଇ ଆଶାବାଦୀ ରହିଛନ୍ତି। କରୋନା ମହାମାରୀ ଉକ୍ତ ଦୁଇ ପ୍ରତିଯୋଗିତା ଆୟୋଜନ ଉପରେ ପ୍ରତିବନ୍ଧକ ସୃଷ୍ଟି କରିଛି। ବିିସିସିଆଇ ଆଇପିଏଲକୁ ସ୍ଥଗିତ ରଖିଥିବାବେଳେ ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଟ୍ବେଣ୍ଟି୨୦ ବିଶ୍ବକପ ଆୟୋଜନ ଏବେ ଆଇସିସି ନିଷ୍ପତ୍ତି ଉପରେ ନିର୍ଭର କରୁଛି। ଟ୍ବେଣ୍ଟି୨୦ ବିଶ୍ବକପ ସ୍ଥଗିତ ହେଲେ ଆଇପିଏଲ ପାଇଁ ବାଟ ଫିଟିବ ବୋଲି ରୋହିତ କହିଛନ୍ତି।
ଇନଷ୍ଟାଗାମ୍ରେ ପ୍ରଶଂସକମାନଙ୍କ ସହିତ ଚାଟିଂ କରିବାବେଳେ ରୋହିତ କହିଛନ୍ତି ଯେ, ଚଳିତ ବର୍ଷ ଆଇପିଏଲ ଓ ଟ୍ବେଣ୍ଟି୨୦ ବିଶ୍ବକପ ଖେଳିବା ନେଇ ମୁଁ ଲକ୍ଷ୍ୟ ରଖିଥିଲି। ଦୁଇ ପ୍ରତିଯୋଗିତା ଆୟୋଜିତ ହେଲେ ବହୁତ ଖୁସି ହେବି ବୋଲି ରୋହିତ କହିଛନ୍ତି। ଅଷ୍ଟ୍ରେଲିଆ ବିପକ୍ଷରେ ଟେଷ୍ଟ ସିରିଜ୍ ଖେଳାଯିବା ନେଇ ନିଜକୁ ପ୍ରସ୍ତୁତ କରୁଛି। ପିଙ୍କ ବଲରେ ଖେଳିବା ବହୁତ ବଡ ଆହ୍ବାନ ହେବ। ଜସନ ରଏ ଓ ଜୋ ରୁଟ୍ଙ୍କ ବ୍ୟାଟିଂକୁ ଉପଭୋଗ କରେ। ମହେନ୍ଦ୍ର ସିଂହ ଧୋନିଙ୍କ ସମ୍ପର୍କରେ ପ୍ରଶଂସକଙ୍କ ପ୍ରଶ୍ନରେ ରୋହିତ ଧୋନି ଜଣେ କିମ୍ବଦନ୍ତୀ ବୋଲି ମତ ଦେଇଥିଲେ।
ଆଇପିଏଲ ଓ ଟ୍ବେଣ୍ଟି-୨୦ ବିଶ୍ବକପ ଆୟୋଜନ ନେଇ ରୋହିତ ଆଶାବାଦୀ
Popular Categories
Previous article
Next article