ରେଙ୍ଗାଲିକ୍ୟାମ୍ପ: ଅତାବିରା ବ୍ଲକ ଅନ୍ତର୍ଗତ ଲାରମ୍ଭା ମହା ବିଦ୍ୟାଳୟର ଯୁକ୍ତ ତିନି ଶେଷ ବର୍ଷର କଳା ଛାତ୍ର ଏକଲବ୍ୟ ସାଥୁଆ ( କାହ୍ନା) ଙ୍କ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି । ବିଶ୍ୱସ୍ଥ ସୂତ୍ରରୁ ଜଣା ପଡ଼ିଛି ଯେ , ଏକଲବ୍ୟ ଗତ ଶୁକ୍ରବାର ଦିନ ତାଙ୍କର ସାତଜଣ କଲେଜ ସାଙ୍ଗ ମାନଙ୍କ ସହିତ ଏକ କାରରେ ପୁରୀକୁ ଶ୍ରୀ ଜଗନ୍ନାଥଙ୍କ ଦର୍ଶନ ନିମନ୍ତେ ଯାଇଥିଲେ । ଦର୍ଶନ ସାରି ଫେରୁଥିବା ବେଳେ ଗତକାଲି ଭୋରରେ ବୌଦ୍ଧ ଜିଲ୍ଲାର ୫୭ ନମ୍ବର ଜାତୀୟ ରାଜପଥ ବାଉଁଶୁଣୀ ଠାରେ ଏକ ପୋଲ ଉପରେ ଥିବା କାନ୍ଥରେ ଧକ୍କା ହୋଇ କାରଟି ଦୁର୍ଘଟଣା ଗ୍ରସ୍ତ ହୋଇଥିଲା । ଫଳରେ କାରର ଆଗ ସିଟରେ ବସିଥିବା ଏକଲବ୍ୟଙ୍କ ଘଟଣା ସ୍ଥଳରେ ମୃତ୍ୟୁ ଘଟିଲା । ଅଳ୍ପକେ ବର୍ତ୍ତିଯାଇଛି ଡ୍ରାଇଭର । ଅନ୍ୟମାନେ ଗୁରୁତର ହୋଇ ଚିକିତ୍ସିତ ଥିବା ଜଣାପଡିଛି । ଖବର ପାଇ ପରିବାର ବର୍ଗ ପହଞ୍ଚି ଏକଲବ୍ୟଙ୍କ ମରଶରୀରକୁ ଉଦେପୁର ସ୍ଥିତ ତାଙ୍କ ବାସଭବନକୁ ଆଣିଥିଲେ ।
ତାଙ୍କର ଶେଷ ଦର୍ଶନ ପାଇଁ ଲରମ୍ଭା ମହାବିଦ୍ୟାଳୟର ଅଧ୍ୟାପକ, ଛlତ୍ରଛାତ୍ରୀ ତଥା ଗ୍ରାମବାସୀଙ୍କ ସହ ବହୁ ମନ୍ୟ ଗନ୍ୟ ବ୍ୟକ୍ତି ପହଞ୍ଚି ଥିଲେ । ମହାନଦୀ କୂଳରେ ଥିବା ଶ୍ମଶାନ ଘାଟିରେ ତାଙ୍କର ଅନ୍ତିମ ସଂସ୍କାର କରାଯାଇଥିଲା । ଅଜା ସନତ ସେଣ ମୁଖlଗ୍ନି ଦେଇଥିଲେ । ଅନ୍ତିମ ସଂସ୍କାର ବେଳେ ଭି ଏଲ ଡବ୍ଳୁ ବାଳମୁକୁନ୍ଦ ସେଣ, ଅଶ୍ଵିନୀ ସେଣ ,ଦୁଗ୍ଧ ସମିତି ସମ୍ପାଦକ ମାନଭଞ୍ଜନ ଦନ୍ତା, ତାପସ ସେଣ, ରଶ୍ମି ରଂଜନ ସେଣ, ସୁନିଲ ଦନ୍ତା ଚୌବନ୍ ଦନ୍ତା, ପୂରବ କୁମାର ଦାଶ ଓ ସାମ୍ବାଦିକ ହୃଷୀକେଶ ଖମାରୀ ପ୍ରମୁଖ ଉପସ୍ଥିତ ରହି ପରିବାର ବର୍ଗଙ୍କୁ ସମବେଦନା ଜଣାଇଥିଲେ ।
Comments are closed.