କଟକ: ରେଭେନ୍ସା ବିଶ୍ୱବିଦ୍ୟାଳୟରେ ଘୋଷଣା ହୋଇଥିବା ସାଇନଏ-ଡାଏ ଶନିବାର ହଟିବ ବୋଲି ସୂଚନା ମିଳିଛି । ଶନିବାର ଅପରାହ୍ନ ୫ଟାରେ ସାଇନଏ-ଡାଏ ହଟିଲା ପରେ ଛାତ୍ରଛାତ୍ରୀମାନେ ବିଶ୍ବବିଦ୍ୟାଳୟ ପରିସରକୁ ଆସିପାରିବେ ବୋଲି କୁଳପତି ଡ଼କ୍ଟର ଈଶାନ ପାତ୍ର କହିଛନ୍ତି । ଆସନ୍ତା ୧୭ରୁ ୨୦ ତାରିଖ ମଧ୍ୟରେ ସବୁ ବିଭାଗର ପରୀକ୍ଷା ଶେଷ ହେବ ଏବଂ ୨୭ ତାରିଖରେ ଫଳାଫଳ ପ୍ରକାଶ ପାଇବ ବୋଲି ଶ୍ରୀ ପାତ୍ର ସୂଚନା ଦେଇଛନ୍ତି । ସୂଚନାଯୋଗ୍ୟ, ଗତ ୮ ତାରିଖ ରାତିରେ ରେଭେନ୍ସା ବିଶ୍ୱବିଦ୍ୟାଳୟରେ ଛାତ୍ର ଅଶାନ୍ତି ଯୋଗୁଁ କର୍ତ୍ତୃପକ୍ଷ ସାଇନଏ-ଡାଏ ଘୋଷଣା କରିଥିଲେ ।
