ନୂଆଦିଲ୍ଲୀ : ଦକ୍ଷିଣ ଭାରତ ଚଳଚ୍ଚିତ୍ର ଜଗତର ସୁପରଷ୍ଟାର ରଜନୀକାନ୍ତ ବୁଧବାର ୬୭ବର୍ଷ ବୟସରେ ପଦାର୍ପଣ କରିଛନ୍ତି। ସେ ବୁଧବାର ତାଙ୍କର ୬୮ତମ ଜନ୍ମଦିନ ପାଳନ କରିଛନ୍ତି। ଏହି ଅବସରରେ ସେ ଦର୍ଶକଙ୍କୁ ଏକ ଉପହାର ଦେଇଛନ୍ତି। ସେ ତାଙ୍କର ଆଗାମୀ ଚଳଚ୍ଚିତ୍ର ପେଟାର ଟିଜର ରିଲିଜ କରିଛନ୍ତି। ପେଟାରେ ନିର୍ଦେଶନା ଭାର ତୁଲାଇଛନ୍ତି କାର୍ତ୍ତିକ ସୁବାରାଜ। ୨୦୧୯ମସିହା ଜାନୁୟାରୀ ୧୧ରେ ମୁକ୍ତିଲାଭ କରିବ ଏହି ଚଳଚ୍ଚିତ୍ର। ଚଳିତ ବର୍ଷ ରଜନୀଙ୍କ ଜନ୍ମଦିନ ବହୁତ ଖାସ୍। କାରଣ ନିକଟରେ ତାଙ୍କର ‘୨.୦’ଚଳଚ୍ଚିତ୍ର ମୁକ୍ତିଲାଭ କରିଥିଲା। ଯାହା ଦର୍ଶକ ମାନଙ୍କୁ ବେଶ୍ ପସନ୍ଦ ଆସିଛି। ୨.୦ଚଳଚ୍ଚିତ୍ର ବକ୍ସଅଫିସରେ ଭଲ ବ୍ୟାବସାୟ କରିବା ସହ ନୂଆନୂଆ ରେକର୍ଡ ସବୁ ସୃଷ୍ଠି କରିପାରିଛି। ଭାରତୀୟ ଚଳଚ୍ଚିତ୍ର ଜଗତକୁ ନୂଆ ଏକ ସ୍ଥାନରେ ପହଞ୍ଚାଇଥିବା ଏହି ନାୟକ ଚଳଚ୍ଚିତ୍ରରେ ଭୂମିକା ବ୍ୟତୀତ ଲୋକଙ୍କ ହୃଦୟରେ ମଧ୍ୟ ରାଜ୍ କରନ୍ତି । ଜଣେ ବସ୍ କଣ୍ଡକ୍ଟରରୁ କୋଟି କୋଟି ଲୋକଙ୍କ ହୃଦୟରେ ରାଜ୍ କରିପାରିଛନ୍ତି ଏହି କଳାକାର। ରଜନୀକାନ୍ତଙ୍କ ପ୍ରଶଂସକ ତାଙ୍କୁ ଭଗବାନ ବୋଲି ମାନନ୍ତି । କିନ୍ତୁ ଏପର୍ଯ୍ୟନ୍ତ ପହଂଚିବା ପାଇଁ ତାଙ୍କୁ ବହୁତ ସଂଘର୍ଷ କରିବାକୁ ପଡିଛି । ରଜନୀକାନ୍ତଙ୍କ ଅସଲି ନାମ ଶିବାଜୀ ରାଓ ଗାୟକୱାଡ । ତାମିଲ ଓ ହିନ୍ଦୀ ଫିଲ୍ମରେ ଦମଦାର ଅଭିନୟ କରି ରଜନୀକାନ୍ତ କୋଟି କୋଟି ପ୍ରଶଂସକ କରିଛନ୍ତି । ତାଙ୍କ ଜନ୍ମ ୧୨ ଡିସେମ୍ବର ୧୯୫୦ରେ ବାଙ୍ଗାଲୁରୁରେ ହୋଇଥିଲା । ସେ ବର୍ଷ ୧୯୭୫ରେ ଫିଲ୍ମ ଅପୂର୍ବ ରାଙ୍ଗଗଲ ରୁ ନିଜ କ୍ୟାରିୟର ଆରମ୍ଭ କରିଥିଲେ ।
Popular Categories
Previous article
Next article