ଭୁବନେଶ୍ବର : ଓଡ଼ିଶାର ଗଣପର୍ବ ରଜ ଉପଲକ୍ଷେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ରାଜ୍ୟପାଳ ପ୍ରଫେସର ଗଣେଶୀ ଲାଲ ଓ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ପ୍ରଧାନମନ୍ତ୍ରୀ ରଜ ପର୍ବ ଅବସରରେ ଓଡିଶାବାସୀଙ୍କୁ ଶୁଭେଚ୍ଛା ଜଣାଇ ଟ୍ବିଟ୍ କରି ଲେଖିଛନ୍ତି ଯେ ବିଶେଷ ଉତ୍ସବ ‘ରଜ ପର୍ବ’ ଅବସରରେ ଓଡ଼ିଶାବାସୀଙ୍କୁ ହାର୍ଦ୍ଦିକ ଶୁଭକାମନା । ଏହି ଅବସର ଆମ ସମାଜରେ ଆନନ୍ଦ ଓ ଭାତୃତ୍ୱକୁ ଆହୁରି ଦୃଢ଼ କରୁ । ରାଜ୍ୟବାସୀଙ୍କର ଉତ୍ତମ ସ୍ୱାସ୍ଥ୍ୟ ଓ ଉତ୍ତୋରତ୍ତର ଉନ୍ନତି କାମନା କରୁଛି ।
Greetings on the very special festival of Raja Parba. May this occasion strengthen the spirit of joy and brotherhood in society. I also pray for the good health and well-being of my fellow citizens.
— Narendra Modi (@narendramodi) June 14, 2020
ସେହିପରି ଓଡିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇ ଟ୍ବିଟ କରି ଲେଖିଛନ୍ତି ଯେ ଏହି ପର୍ବର ଚିରନ୍ତନ ଭାବବୋଧ ସମସ୍ତଙ୍କର ଧେୟ ହେଉ। ସାମ୍ପ୍ରତିକ କରୋନାକାଳୀନ ପରିସ୍ଥିତିରେ ରଜ ପର୍ବ ଯେଉଁ ଚେତନାର ପ୍ରତୀକ,ତାହା ଏବେ ଆହୁରି ପ୍ରାସଙ୍ଗିକ ଥିବା ଉଲ୍ଲେଖ କରିଛନ୍ତି ।
କୃଷିଭିତ୍ତିକ ଗଣ ପର୍ବ #ରଜ ଅବସରରେ ରାଜ୍ୟପାଳ ଶୁଭେଚ୍ଛା ଓ ଅଭିନନ୍ଦନ ଜଣାଇବା ସହ ଏହି ପର୍ବର ଚିରନ୍ତନ ଭାବବୋଧ ସମସ୍ତଙ୍କର ଧେୟ ହେଉ ବୋଲି କାମନା କରିଛନ୍ତି।ସାମ୍ପ୍ରତିକ କରୋନାକାଳୀନ ପରିସ୍ଥିତିରେ ରଜ ପର୍ବ ଯେଉଁ ଚେତନାର ପ୍ରତୀକ,ତାହା ଏବେ ଆହୁରି ପ୍ରାସଙ୍ଗିକ ଥିବା ଉଲ୍ଲେଖ କରିଛନ୍ତି। #RajaParba #ରଜପର୍ବ pic.twitter.com/15VMrtYgUZ
— Governor Odisha (@GovernorOdisha) June 14, 2020
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଗଣପର୍ବ ରଜ ଅବସରରେ ରାଜ୍ୟବାସୀଙ୍କୁ ଶୁଭେଚ୍ଛା ଜଣାଇଛନ୍ତି । ଏହି ଅବସରରେ ମୁଖ୍ୟମନ୍ତ୍ରୀ ଟ୍ବିଟ କରି ଲେଖିଛନ୍ତି ଯେ ପ୍ରକୃତି, ଧରିତ୍ରୀ ଓ ନାରୀକୁ ପୂଜିବାର ଓ ସମ୍ମାନ ଜଣାଇବାର ଏହା ହେଉଛି ଆମର ଅନନ୍ୟ ପରମ୍ପରା । ଆସନ୍ତୁ, କୋଭିଡ୍-୧୯ର ସମସ୍ତ ନିୟମ ମାନି ଘରେ ରହି ଏଥର ରଜ ପର୍ବକୁ ସ୍ୱତନ୍ତ୍ର କରିବା ।
ଓଡ଼ିଶାର ଗଣ ପର୍ବ ରଜ ଉପଲକ୍ଷେ ସମସ୍ତଙ୍କୁ ମୋର ଶୁଭେଚ୍ଛା ଓ ଅଭିନନ୍ଦନ। ପ୍ରକୃତି, ଧରିତ୍ରୀ ଓ ନାରୀକୁ ପୂଜିବାର ବା ସମ୍ମାନ ଜଣାଇବାର ଏହା ହେଉଛି ଆମର ଅନନ୍ୟ ପରମ୍ପରା। ଆସନ୍ତୁ, କୋଭିଡ-୧୯ର ସମସ୍ତ ନିୟମକୁ ମାନି ଘରେ ରହି ଏଥର ରଜ ପର୍ବକୁ ସ୍ୱତନ୍ତ୍ର କରିବା। #RajaParba pic.twitter.com/oRHh11SDDX
— Naveen Patnaik (@Naveen_Odisha) June 14, 2020
