ବର୍ଷା ବେଳେ ଛାତ ଖସିପଡିବାରୁ ମା ଓ ଶିଶୁ ମୃତ
ସିରସା(ହରିୟାଣା). – ହରିୟାଣାର ସିରସାରେ ପ୍ରବଳ ବର୍ଷା ସମୟରେ ଏକ ଘରର ଛାତ ଖସି ପଡିବାରୁ ମାଆ ସହ ଶିଶୁ କନ୍ୟାର ମୃତ୍ୟୁ ହୋଇଛି । ରବିବାର ସକାଳେ ପ୍ରବଳ ବର୍ଷା ହୋଇଥିଲା । ଏକ ଚାଷ ଜମିରେ ନିକଟରେ ଥିବା ଘରେ ଏହି ମାଆ ଓ ଛୁଆ ଆଶ୍ରୟ ନେଇଥିଲେ । ଏତିକି ବେଳେ ଛାତଟି ଖସି ପଡିଥିଲା । ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ହୋଇଥିଲା ।
ହରିୟାଣାରେ ପ୍ରବଳ ବର୍ଷା ହେବାର ସମ୍ଭାବନା ଥିବା କଥା ପାଣିପାଗ କେନ୍ଦର ପକ୍ଷରୁ ସୂଚନା ଦିଆଯାଇଛି । ଏହାପରେ ହରିୟାଣାରେ ସତର୍କ ସୂଚନା ଜାରି କରାଯାଇଛି ।