ସମ୍ବଲପୁର: ସମ୍ବଲପୁର ଲୋକସଭା ଆସନ ଜାତୀୟ ସ୍ତରର ଦୃଷ୍ଟି ଆକର୍ଷଣ କରିବା ସହିତ ଓଡିଶାରେ ହଟ ସିଟ ରୂପେ ପରିଣତ ହୋଇଥିବାରୁ ଏହି ଆସନର ଫଳାଫଳ ଉପରେ ସମସ୍ତଙ୍କର ନଜର ରହିଛି। ମୋଦୀ ସରକାରଙ୍କ ଅନ୍ୟତମ ପ୍ରମୁଖ କେନ୍ଦ୍ରମନ୍ତ୍ରୀ ତଥା ବିଗତ ୧୦ ବର୍ଷରେ ବିଭିନ୍ନ ଗୁରୁତ୍ୱପୁର୍ଣ୍ଣ ମନ୍ତ୍ରାଳୟ ସମ୍ଭାଳିଥିବା ଧର୍ମେନ୍ଦ୍ର ପ୍ରଧାନ ବିଜେପି ପକ୍ଷରୁ ସମ୍ବଲପୁର ଲୋକସଭା ଆସନ ପାଇଁ ପ୍ରାର୍ଥୀ ଅଛନ୍ତି। ବିଜେପିର ଷ୍ଟାର ପ୍ରଚାରକ ସୂଚୀରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରହିଥିବା ସତ୍ୱେ ସମ୍ବଲପୁର ଭଳି ଗୁରୁତ୍ୱପୁର୍ଣ୍ଣ ଆସନକୁ ବିଜେପି କୌଣସି ମତେ ହାସଲ କରିବାକୁ ଚେଷ୍ଟା କରିବାକୁ ଅପ୍ରାଣେ ଉଦ୍ୟମ କରୁଥିବାରୁ ବହୁ ଦିନ ହେବ ବିଜେପିର ଜାତୀୟସ୍ତରର ଷ୍ଟାର ପ୍ରଚାରକ ଆସିବାର ଚର୍ଚ୍ଚା ଜୋରରେ ଲାଗି ରହିଛି। ଆଜି ପ୍ରତିରକ୍ଷା ମନ୍ତ୍ରୀ ତଥା ପୂର୍ବତନ ବିଜେପି ରାଷ୍ଟ୍ରୀୟ ସଭାପତି ରାଜନାଥ ସିଂହ ସମ୍ବଲପୁର ଜିଲାର ନାକଟିଦେଉଳ ଠାରେ ବିଜୟ ସଂକଳ୍ପ ସମାବେଶରେ ଯୋଗ ଦେବେ। ଏହାସହ ବିଜେପିର ଯୁବ ମୋର୍ଚ୍ଚା ରାଷ୍ଟ୍ରୀୟ ସଭାପତି ତେଜସ୍ୱୀ ସୁର୍ଯ୍ୟା ଏକ ବିଶାଳ ବାଇକ ରାଲିରେ ମଧ୍ୟ ସାମିଲ ହେବେ । ସେପଟେ ଆସନ୍ତା ୨୧ ତାରିଖରେ କେନ୍ଦ୍ର ଗୃହମନ୍ତ୍ରୀ ତଥା ପୂର୍ବତନ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ସମ୍ବଲପୁର ଗସ୍ତରେ ଆସିବାର ଚୂଡାନ୍ତ ହୋଇଛି। ଶ୍ରୀ ସାହା ସମ୍ବଲପୁରର ଅଇଁଠାପାଲି ସ୍ଥିତ ପିଏଚଡି ପଡିଆ ଠାରେ ଏକ ବିଶାଳ ଜନସଭାକୁ ସମ୍ବୋଧନ କରିବେ।
Comments are closed.