ରାୟପୁର : ଛତିଶଗଡରେ କଂଗ୍ରେସ କ୍ଷମତାକୁ ଆସିଲେ ୧୦ ଦିନ ମଧ୍ୟରେ କୃଷକଙ୍କ ସମସ୍ତ ଋଣ ଛାଡ କରାଯିବ ବୋଲି ଦଳର ଅଧ୍ୟକ୍ଷ ରାହୁଲ ଗାନ୍ଧୀ ଘୋଷଣା କରିଛନ୍ତି। କୃଷକ ଋଣ ଛାଡ ପାଇଁ ଅର୍ଥ ବିଜୟ ମାଲ୍ୟା, ନିରବ ମୋଦୀ ଓ ଅନିଲ ଅମ୍ବାନୀଙ୍କ ଠାରୁ ଆସବ ବୋଲି ସେ କହିଛନ୍ତି। ଛତିଶଗଡର ଦ୍ୱିତୀୟ ପର୍ଯ୍ୟାୟ ବିଧାନସଭା ନିର୍ବାଚନ ପ୍ରଚାର ସଭାରେ ରାହୁଲ କହିଛନ୍ତି ଯେ ପ୍ରଧାନମନ୍ତ୍ରୀ ଅଳ୍ପ କିଛି ଧନୀ ଲୋକଙ୍କର ୩.୫ ଲକ୍ଷ କୋଟି ଟଙ୍କାର ଋଣ ଛାଡ କରିଛନ୍ତି। ବିଜୟ ମାଲ୍ୟା ୧୦ହଜାର କୋଟି ଟଙ୍କା ଓ ନିରବ ମୋଦୀ ୩୫ହଜାର କୋଟି ଟଙ୍କାର ବ୍ୟାଙ୍କ ଋଣ ଫାଙ୍କି ବିଦେଶ ପଳାଇ ଯାଇଛନ୍ତି। ଏପରି ଲୋକଙ୍କ ବିରୋଧରେ ସରକାର କୌଣସି କାର୍ଯ୍ୟାନୁଷ୍ଠାନ ନେବାରେ ବିଫଳ ହୋଇଛନ୍ତି। ସେହିପରି ଅନିଲ ଅମ୍ବାନୀଙ୍କୁ ରାଫେଲ ଦୁର୍ନୀତି ମାଧ୍ୟମରେ ୩୦ହଜାର କୋଟି ଟଙ୍କାର ଫାଇଦା ଦେଇଛନ୍ତି।
Popular Categories
Previous article
Next article