ଭୁବନେଶ୍ୱର : ଜୟ ଜଗନ୍ନାଥ କହି ଓଡ଼ିଆ ମାନଙ୍କ ମନ ଜିଣିବାକୁ ଚେଷ୍ଟା କରିଛନ୍ତି କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ। ଭୁବନେଶ୍ୱର ତମାଣ୍ଡୋ ମିନି ଷ୍ଟାଡିୟମରେ କଂଗ୍ରେସର ଆୟୋଜିତ ସଭାରେ ରାହୁଲ ଗାନ୍ଧୀ ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କୁ କଡା ସମାଲୋଚନା କରିଛନ୍ତି। ନିଜର ୩୫ ମିନିଟ ଭାଷଣରେ ରାହୁଲ ଲୋକମାନଙ୍କ ଆଗରେ ପ୍ରତିଶୃତିର ତାଲିକା ରଖିଥିଲେ। ସରକାରକୁ ଆସିଲେ ୧୦ ମଧ୍ୟରେ ଋଣ ଛାଡ, ସମସ୍ତ ଜିଲାରେ ଫୁଡ ପ୍ରୋସେସିଙ୍ଗ ୟୁନିଟ ଖୋଲିବା, ଯୁବକଙ୍କୁ ନିଯୁକ୍ତି, ଆଦିବାସୀ ମାନଙ୍କ ଜଙ୍ଗଲ ଜମି ରକ୍ଷା କରିବା ଭଳି ବହୁ ଗୁରୁତୁପୁର୍ଣ୍ଣ ପ୍ରତିଶୃତି ପାଳନ କରିବ ବୋଲି ରାହୁଲ କହିଛନ୍ତି। ରାହୁଲ ଗାନ୍ଧୀ ନିଜର ସମସ୍ତ ନିର୍ବାଚନ ପ୍ରଚାରରେ ପ୍ରଧାନମନ୍ତ୍ରୀଙ୍କୁ ଚୌକିଦାର ଚୋର କହୁଥିବା ବେଳେ ନବୀନ ପଟ୍ଟନାୟକ ଚିଟଫଣ୍ଡ ଚୋର ବୋଲି କହିଥିଲେ। ନବୀନ ପଟ୍ଟନାୟକଙ୍କ ରିମୋର୍ଟ ଚୌକିଦାରଙ୍କ ପାଖରେ ଅଛି ବୋଲି ରାହୁଲ କହିଛନ୍ତି।
କଂଗ୍ରେସର ଅଧ୍ୟକ୍ଷଙ୍କ ଏଭଳି ଆକ୍ରମଣ କରି ଉପସ୍ଥିତ ଥିବା ଜନସାଧାରଣଙ୍କ ମନ ଜିତିଥିବା ଦେଖିବାକୁ ମିଳିଥିଲା। ଅଛେଦିନ ଆୟେଙ୍ଗେ ନାରା ବଦଳି ଚୌକିଦାର ଚୋର ନାରା ଲୋକମାନେ କହୁଥିବା ରାହୁଲ କହିଛନ୍ତି। ରାଫେଲ ଡିଲ ଘୋଟାଲା ହେବାଦ୍ୱାରା ଓଡ଼ିଶାର ଯୁବକ ମାନଙ୍କୁ ରୋଜଗାର ମିଳିପାରିନାହିଁ। ଏଭଳି ଅନେକ ପ୍ରସଙ୍ଗରେ ରାହୁଲ ମୋଦୀ ଓ ନବୀନଙ୍କୁ ଆକ୍ରମଣ କରିଥିବା ଦେଖିବାକୁ ମିଳିଛି।
