କୋଭିଡ ଚିକିତ୍ସାଳୟରେ କରୋନା ରୋଗୀଙ୍କ ଚିକିତ୍ସାରେ ଅନିୟମିତତାକୁ ନେଇ ଜିଲ୍ଲା ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ

ମାଲକାନଗିରି : ମାଲକାନଗିରି କୋଭିଡ ଚିକିତ୍ସାଳୟରେ କରୋନା ରୋଗୀଙ୍କ ଚିକିତ୍ସାରେ ଅବହେଳାକୁ ନେଇ ଅଭିଯୋଗ କରି ଜିଲ୍ଲା ଚିକତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ କରିଛନ୍ତି ପରିବାର ବର୍ଗ। ପରିବାର ବର୍ଗଙ୍କ କହିବା ଅନୁସାରେ, ଗତ ମଙ୍ଗଳବାର ଦିନ ଏମ୍.ଭି. ୧୫ ଗ୍ରାମର ଜଣେ ମହିଳା ମଟର ସାଇକେଲ ଯୋଗେ ଯାଉଥିବା ସମୟରେ କୌଣସି କାରଣରୁ ମଟର ସାଇକେଲରୁ ଖସି ପଡିଥିଲେ। ତତ୍ କ୍ଷଣାତ୍ ସମ୍ପୃକ୍ତ ମହିଳାଙ୍କୁ ମାଲକାନଗିରି ମୁଖ୍ୟ ଚିକିତ୍ସାଳୟକୁ ଚକିତ୍ସା ନିମନ୍ତେ ଅଣା ଯାଇଥିଲ।। ସେଠାରେ ସରକାରଙ୍କ ନିୟମ ଅନୁସାରେ କୋଭିଡ ପରୀକ୍ଷା କରାଯାଇଥିବା ବେଳେ ସମ୍ପୃକ୍ତ ମହିଳା କୋଭିଡ ପଜିଟିଭ ଚିହ୍ନଟ ହୋଇଥିଲେ। ତାଙ୍କୁ ଚିକିତ୍ସା ନିମନ୍ତେ ଜିଲ୍ଲା କୋଭିଡ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲ।। ସେଠାରେ ଗତ ତିନିଦିନ ଧରି ଚିକିତ୍ସା ହେଉଥିବା ବେଳେ ପରିବାର ବର୍ଗ ଭିଡିଓ କଲ ମାଧ୍ୟମରେ ସମ୍ପୃକ୍ତ ମହିଳାଙ୍କ ସ୍ୱାସ୍ଥ୍ୟାବସ୍ଥା ବୁଝିବାକୁ ଚାହିଁଥିଲୋ ପରିବାର ବର୍ଗଙ୍କୁ ଏହି ସୁବିଧା ନ ମିଳିଥିବା ଅଭିଯୋଗ କରିଛନ୍ତିା

ଶୁକ୍ରବାର ପୂର୍ବାହ୍ନରେ ସମ୍ପୃକ୍ତ ମହିଳାଙ୍କ ମୃତ୍ୟୁ ଘଟିଥିବା ପରିବାର ଲୋକଙ୍କୁ ସୂଚନା ଦିଆଯିବା ପରେ ଚିକିତ୍ସାରେ ଅନିୟମିତତାକୁ ନେଇ ପରିବାର ବର୍ଗ ଜିଲ୍ଲା ଚିକିତ୍ସାଧିକାରୀଙ୍କ କାର୍ଯ୍ୟାଳୟ ସମ୍ମୁଖରେ ଚିକିତ୍ସାରେ ଅବହେଳା ନେଇ ଅଭିଯୋଗ କରିଥିଲୋ ତେବେ ଏ ସମ୍ପର୍କରେ ମେଡିକାଲ କର୍ତ୍ତୃପକ୍ଷ ଡାକ୍ତରମାନେ ପ୍ରକାଶ କରିଛନ୍ତି ଯେ, ତାଙ୍କର କୌଣସି ଚିକିତ୍ସାରେ ଅବହେଳା କରାଯାଇନାହିଁ ଏବଂ ଅମ୍ଲଜାନ କମ୍ ଥିବା ଓ ତାଙ୍କର ଅନ୍ୟାନ୍ୟ ରୋଗ ଥିବା ହେତୁ ମୃତ୍ୟୁ ଘଟିଥିବା ପ୍ରକାଶ କରିଛନ୍ତିା