‘ଚନ୍ଦ୍ରଯାନ-୫’କୁ ମିଳିଲା ଅନୁମତି: ୨୫୦ କେଜିର ରୋଭର ପଠାଯିବ, ଚନ୍ଦ୍ରପୃଷ୍ଠରେ ଗଡ଼଼ିବ ଓ ସରଞ୍ଚନା ଯାଞ୍ଚ କରିବ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ପକ୍ଷରୁ ଭାରତର ପଞ୍ଚମ ମୁନ ମିଶନ ‘ଚନ୍ଦ୍ରଯାନ-୫’କୁ ଅନୁମତି ମିଳିଛି। ଚନ୍ଦ୍ରଯାନ-୩ରେ ଇସ୍ରୋ ଚନ୍ଦ୍ରପୃଷ୍ଠକୁ ୨୫ କେଜିର ରୋଭର ପ୍ରଜ୍ଞାନ ପଠାଇଥିଲା। କିନ୍ତୁ ଚନ୍ଦ୍ରଯାନ-୫ରେ ଏହାଠୁ ୧୦ଗୁଣ ଅଧିକ ଓଜନ ତଥା ୨୫୦ କେଜିର ରୋଭର ପଠାଯିବ। ଏହା ଚନ୍ଦ୍ରପୃଷ୍ଠରେ ଗଡ଼଼ିବା ସହିତ ଏହାର ଗଠନ ଓ ସରଞ୍ଚନା ଆଦି ଯାଞ୍ଚ କରିବ ବୋଲି ଇଣ୍ଡିଆନ୍‌‌ ସ୍ପେଶ୍‌‌ ରିସର୍ଚ୍ଚ ଅର୍ଗାନାଇଜେସନ୍‌‌ (ଇସ୍ରୋ) ଅଧ୍ୟକ୍ଷ ଭି.ନାରାୟଣନ୍‌‌ ସୂଚନା ଦେଇଛନ୍ତି। ଜାପାନ ସହ ମିଳିତ ଭାବେ ଏହି ରୋଭର ନିର୍ମାଣ କରାଯିବ। ୨୦୨୭ ସୁଦ୍ଧା ହେବାକୁ ଥିବା ଚନ୍ଦ୍ରଯାନ-୪ ମିଶନରେ ଚନ୍ଦ୍ରରୁ ମାଟି ଆଣିବା ଲକ୍ଷ୍ୟ ରଖାଯାଇଛି। ଯଥେଷ୍ଟ ପୂର୍ବରୁ ଚନ୍ଦ୍ରଯାନ-୫କୁ କେନ୍ଦ୍ର ସରକାରଙ୍କ ସବୁଜ ସଙ୍କେତ ମିଳିସାରିଛ ବୋଲି ଇସ୍ରୋ ଅଧ୍ୟକ୍ଷ ଭି.ନାରାୟଣନ୍‌‌ ପ୍ରକାଶ କରିଛନ୍ତି।