ଭୁବନେଶ୍ବର: ୟୁଏଇର ଦୁବାଇସ୍ଥିତ ସହବାବ୍ ଅଲ୍- ଅହଲି ସ୍ପୋର୍ଟ୍ସ ହଲରେ ଚାଲିଥିବା ଦ୍ବିତୀୟ ଅନ୍ତର୍ଜାତୀୟ ଫାଜା ଦୁବାଇ ପାରା ବ୍ୟାଡ଼ମିଣ୍ଟନ ପ୍ରତିଯୋଗିତାର ଏସ୍ଏଲ-୩ ପୁରୁଷ ସିଙ୍ଗଲ୍ସ ବିଭାଗରେ ଓଡ଼ିଶାର ପ୍ରମୋଦ ଭଗତ ଚମ୍ପିଆନ ଆଖ୍ୟା ଅର୍ଜନ କରିଛନ୍ତି। ରବିବାର ଖେଳାଯାଇଥିବା ସିଙ୍ଗଲ୍ସ ଫାଇନାଲରେ ପ୍ରମୋଦ ୧୫-୨୧, ୨୧-୧୮ ଓ ୧୨-୧୩ ପଏଣ୍ଟରେ ଡାନିଏଲ ବେଥାଲଙ୍କୁ ପରାସ୍ତ କରିଛନ୍ତି। ପ୍ରତିଯୋଗିତାରେ ଭାରତରୁ ୩୮ଜଣ ଅଂଶଗ୍ରହଣ କରିଥିବାବେଳେ ଓଡ଼ିଶାର ୩ଜଣ ପ୍ରତିଯୋଗୀ ଭାଗ ନେଇଛନ୍ତି। ପ୍ରମୋଦ ଗତ ମାର୍ଚ୍ଚରେ ତୁର୍କୀରେ ଖେଳାଯାଇଥିବା ତୁର୍କିସ ଇନିସ୍ କପ ପାରା ବ୍ୟାଡ଼ମିଣ୍ଟନ ପ୍ରତିଯୋଗିତାର ସିଙ୍ଗଲ୍ସରେ ସ୍ବର୍ଣ୍ଣ ପଦକ ହାସଲ କରିଥିଲେ। ୨୦୨୦ ପାରା ଅଲିମ୍ପିକ୍ ଯୋଗ୍ୟତା ଲାଗି ପ୍ରମୋଦଙ୍କୁ ଚଳିତ ବର୍ଷ ୧୨ଟି ଅନ୍ତର୍ଜାତୀୟ ପ୍ରତିଯୋଗିତା ମଧ୍ୟରୁ ଅତି କମ୍ରେ ୭ଟି ପ୍ରତିଯୋଗିତାରେ ସ୍ବର୍ଣ୍ଣ ପଦକ ହାସଲ କରିବା ଏକାନ୍ତ ଆବଶ୍ୟକତା ରହିଛି। ପ୍ରଥମ ଦୁଇ ପ୍ରତିଯୋଗିତାରେ ପ୍ରମୋଦ ସ୍ବର୍ଣ୍ଣ ପଦକ ବିଜୟୀ ହେବା ପେର ଅଲିମ୍ପିକ୍ ଯୋଗ୍ୟତା ହାସଲ ନେଇ ଆଶା ବଢିବାରେ ଲାଗିଛି।
Comments are closed.