bjd gruha runa banner

ରାଷ୍ଟ୍ରପତି ଅନ୍ଧାରରେ ଭାଷଣ ଦେବା ଘଟଣା : ବିଶ୍ୱବିଦ୍ୟାଳୟର ବିଦ୍ୟୁତ କର୍ମଚାରୀ ନିଲମ୍ବିତ

କ୍ଷମା ମାଗିଲେ କୁଳପତି, ଘଟଣାର ତଦନ୍ତ କରାଯିବ : କେନ୍ଦ୍ରାଞ୍ଚଳ ଆର୍‌ଡିସି

BSKY banner  750×100

ଡେସ୍କ : ବାରିପଦା ମହାରାଜା ଶ୍ରୀରାମ ଚନ୍ଦ୍ର ଭଞ୍ଜଦେଓ (ଏମଏସ୍‌ସିବିୟୁ) ବିଶ୍ୱବିଦ୍ୟାଳୟର ସମାବର୍ତ୍ତନ ସମାରୋହରେ ବିଦ୍ୟୁତ ବିଭ୍ରାଟ ଓ  ରାଷ୍ଟ୍ରପତି ଅନ୍ଧାରରେ ଭାଷଣ ଦେବା ଘଟଣାରେ ବିଶ୍ୱବିଦ୍ୟାଳୟର ଜଣେ ବିଦ୍ୟୁତ୍‌ କର୍ମଚାରୀଙ୍କୁ ନିଲମ୍ବନ କରାଯାଇଛି। ଏହି ଘଟଣାର ତଦନ୍ତ ପାଇଁ ୩ ଜଣିଆ କମିଟି ଗଠନ ହୋଇଥିବା କୁଳପତି ପ୍ରଫେସର ସନ୍ତୋଷ ତ୍ରିପାଠୀ କହିଛନ୍ତି । କମିଟି ରିପୋର୍ଟ ଦାଖଲ ପରେ କାର୍ଯ୍ୟାନୁଷ୍ଠାନ ହେବ ହେବ ବୋଲି କୁଳପତି କହିଛନ୍ତି ।

ଅନ୍ୟପକ୍ଷରେ ବିଶ୍ୱବିଦ୍ୟାଳୟର କୁଳପତି ପ୍ରଫେସର ସନ୍ତୋଷ ତ୍ରିପାଠୀ ଏହି ଘଟଣା ନେଇ କ୍ଷମା ମାଗିଛନ୍ତି । ଏଭଳି ତ୍ରୁଟି ପାଇଁ ମୁଁ ନିଜେ ନିଜକୁ ଦାୟୀ କରୁଛି ବୋଲି କୁଳପତି କହିଛନ୍ତି।ଏହି ବିଲଡିଂ ଇଡକୋ ତିଆରି କରିଥିଲା ଓ ଜେନେରେଟର ମଧ୍ୟ ସଜାଡ଼ିଥିଲା। ଏଥିପାଇଁ  ଏକ ସ୍ବତନ୍ତ୍ର ଜେନେରେଟର ଥିଲା, ତେବେ ତାହା ମଧ୍ୟ କାମ ଦେଲାନି । ଆମକୁ ଏଥିପାଇଁ ଲଜ୍ଜିତ ହେବାକୁ ପଡ଼ିଲା, ଓ ମୁଁ ସେଥିପାଇଁ ଦୁଃଖ ପ୍ରକାଶ କରୁଛି ବୋଲି ପ୍ରଫେସର ତ୍ରିପାଠୀ କହିଛନ୍ତି ।

ଅନ୍ୟ ପକ୍ଷରେ ଘଟଣାର ତଦନ୍ତ କରାଯିବ ବୋଲି କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ କହିଛନ୍ତି । ଏ ନେଇ ଏକ ଜରୁରୀ ବୈଠକ ପରେ କେନ୍ଦ୍ରାଞ୍ଚଳ ଆର୍‌ଡିସି ସୁରେଶ ଦଳାଇ କହିଛନ୍ତି, ଏଭଳି ଘଟଣା କାହିଁକି ଘଟିଲା ଓ କିଏ ଦାୟୀ ତାକୁ ନେଇ ଅନୁସନ୍ଧାନ କରାଯିବ। ବାରିପଦା ସର୍କିଟ ହାଉସରେ ଅନୁଷ୍ଠିତ ଏକ ଗୁରୁତ୍ବପୂର୍ଣ୍ଣ ବୈଠକ ବୈଠକରେ ମୟୂରଭଞ୍ଜ ଜିଲ୍ଲାପାଳ, ବାରିପଦା ଏଡିଏମ୍‌ ଓ ଟାଟା ପାୱାର ଅଧିକାରୀଙ୍କ ସହ ବରିଷ୍ଠ ଅଫିସର ମାନେ ଉପସ୍ଥିତ ଥିଲେ।

Comments are closed.