ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଙ୍ଗଳବାର ଦେଶବାସୀଙ୍କୁ ସମ୍ବୋଧିତ କରି ଲକ୍ଡାଉନକୁ ମେ ୩ ତାରିଖ ପର୍ଯ୍ୟନ୍ତ ବୃଦ୍ଧି କରାଯିବା ନେଇ ଘୋଷଣା କରିଛନ୍ତି। ଉଦବୋଧନ ଦେବା ସମୟରେ ପ୍ରଧାନମନ୍ତ୍ରୀ କରୋନା ଯୁଦ୍ଧରେ ବିଜୟୀ ହେବା ଲାଗି ଘରେ ତିଆରି ମାସ୍କ ବ୍ୟବହାର କରିବାକୁ ଦେଶବାସୀଙ୍କୁ ନିବେଦନ କରିଛନ୍ତି। ମୋଦୀ କହିଛନ୍ତି, ଯଦି ଆପଣ ଭାବୁଥିବେ ଘରେ କିପରି ମାସ୍କ ତିଆରି କରିବେ, ତେବେ ହୀନା ଖାନ ଏବଂ ଅଦା ଶର୍ମା ଆପଣଙ୍କ ଏହି ସମସ୍ୟାର ସମାଧାନ କରିପାରିବେ।
ସୂଚନାଯୋଗ୍ୟ, କିଛିଦିନ ତଳେ ଏହି ଦୁଇ ଅଭିନେତ୍ରୀ ଘରେ କିପରି ମାସ୍କ ତିଆରି କରାଯାଇପାରିବ ତାହାର ଟ୍ୟୁଟୋରିଆଲ ଭିଡିଓ ପ୍ରସ୍ତୁତ କରି ସୋସିଆଲ ମିଡିଆରେ ଭିଡିଓ ଶେୟାର କରିଥିଲେ। ଏହି ଭିଡିଓ ଲୋକମାନଙ୍କ ପାଇଁ ଅତ୍ୟନ୍ତ ଲାଭଦାୟକ ହୋଇପାରିବ। ଭିଡିଓରେ ହୀନା ଖାନ ଘରେ ମାସ୍କ ତିଆରି କରିବାର କୌଶଳ ଶିଖାଇଥିଲେ। ସବୁଠୁ ବଡ଼ କଥା ହେଲା ଘରେ ମାସ୍କ ତିଆରି କରାଗଲେ ତାହାକୁ ପୁନର୍ବାର ସଫା କରି ବ୍ୟବହାର କରାଯାଇପାରିବ। ହୀନା ଭିଡିଓରେ ଦେଖାଇଥିଲେ ଯେ, ସେ ଏକ କପଡ଼ାକୁ ଉପଯୁକ୍ତ ଆକୃତିରେ କାଟିଥିଲେ, ପରେ ତାହାକୁ ସିଲେଇ କରିଥିଲେ। ହୀନାଙ୍କ ଏହି କୌଶଳ ଅତି ସରଳ ଥିଲା। ସୋସିଆଲ ମିଡିଆରେ ଏହାକୁ ବହୁ ପ୍ରଶଂସା କରାଯାଇଥିଲା।
https://www.instagram.com/tv/B-r7uP7Jdqo/?utm_source=ig_web_copy_link
