ଫୁଲବାଣୀ: ଫୁଲବାଣୀ ସହରର ଗାନ୍ଧୀଛକଠାରେ ବୁଧବାର ଏକ କୁକୁଡ଼ା ବୁହା ପିକଅପ ଭ୍ୟାନ ଧକ୍କାରେ ଜଣେ ବସ ମାଲିକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ତ୍ରିଲୋଚନ ପ୍ରଧାନ। ବୁଧବାର ସକାଳେ ସୁନାପ୍ରତିମା ନାମକ ଯାତ୍ରୀବାହୀ ଘରୋଇ ବସ୍ ଷ୍ଟାଣ୍ଡରୁ ବାହାରି ଗାନ୍ଧୀ ଛକ ନିକଟରେ ଯାତ୍ରୀ ଅପେକ୍ଷାରେ ଠିଆ ହୋଇଥିବା ବେଳେ ବସ୍ ମାଲିକ ତ୍ରିଲୋଚନ ପାଖରେ ଠିଆ ହୋଇ କର୍ମଚାରୀଙ୍କ ସହ କଥାବାର୍ତ୍ତା କରୁଥିଲେ। ସେହି ସମୟରେ ମାଦିକୁନ୍ଦା ଛକ ପଟରୁ ଏକ ପିକ୍ଅପ୍ ଭ୍ୟାନ୍ ଦ୍ରୁତ ଗତିରେ ଆସି ପ୍ରଥମେ ବସର ଆଗ ପଟକୁ ପିଟିବା ପରେ ବସ୍ ନିକଟରେ ଠିଆ ହୋଇଥିବା ତ୍ରିଲୋଚନଙ୍କୁ ଧକ୍କା ଦେଇଥିଲା। ପରେ ଭାରସାମ୍ୟ ହରାଇ ନିକଟସ୍ଥ ଏକ ପାଚେରୀରେ ପିଟି ହୋଇଥିଲା। ତ୍ରିଲୋଚନଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକେ ଫୁଲବାଣୀ ଚିକିତ୍ସାଳୟରେ ଭର୍ତ୍ତି କରିଥିଲେ। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ଦୁର୍ଘଟଣା ପରେ ପିକଅପ୍ ଭ୍ୟାନ୍ ଡ୍ରାଇଭର ଘଟଣାସ୍ଥଳରୁ ଫେରାର୍ ହୋଇଯାଇଛି। ଟାଉନ୍ ଥାନା ପୁଲିସ ଘଟଣାର ତଦନ୍ତ କରୁଛି।
Comments are closed.