ଟିଟିଲାଗଡ଼: ଟିଟିଲାଗଡ଼ ବ୍ଲକ ଅନ୍ତର୍ଗତ ବିନେକେଲା ପଞ୍ଚାୟତ ସାଲେଡିଗ୍ରୀ ଗ୍ରାମରେ ବୁଧବାର ଘଟିଛି ଏକ ଅଭାବନୀୟ ଘଟଣା। ପ୍ରଧାନମନ୍ତ୍ରୀ ଆବାସ ନିର୍ମାଣ ବେଳେ ଜଣେ ଶ୍ରମିକଙ୍କ ମୃତ୍ୟୁ ଘଟିଛି। ମୃତ ଶ୍ରମିକ ଗ୍ରାମର ଉତ୍ସବ ପୋଢ଼(୨୨) ବୋଲି ଜଣାପଡ଼ିଛି।
ସୂଚନାରୁ ପ୍ରକାଶ ଯେ, ଗ୍ରାମର ଅକ୍ଷୟ ପୋଢ଼ଙ୍କ ପ୍ରଧାନମନ୍ତ୍ରୀ ଆବାସ ଗୃହ ନିର୍ମାଣ କାର୍ଯ୍ୟ ଚାଲିଥିଲା। ଛାତ ଉପରେ ମୃତକ ଉତ୍ସବ ଏବଂ ମକରନ୍ଦ କାମ କରୁଥିଲେ। ଛାତ ଉପରକୁ ଲୁହା ଛଡ଼ ଟାଣୁଥିବାବେଳେ ଉପରେ ଟଣାଯାଇଥିବା ତାର ସଂସ୍ପର୍ଶରେ ଆସି ଉଭୟେ ଗୁରୁତର ହୋଇ ପଡ଼ିଥିଲେ। ଉଭୟଙ୍କୁ ଟିଟିଲାଗଡ଼ ଉପଖଣ୍ଡ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିବାବେଳେ ଡାକ୍ତର ଉତ୍ସବଙ୍କୁ ମୃତ ଘୋଷଣା କରିଥିଲେ। ଅନ୍ୟତମ ଆହତ ମକରନ୍ଦଙ୍କୁ ବଲାଙ୍ଗିର ଭୀମ ଭୋଇ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି। ତେବେ ବଲାଙ୍ଗିର ଡାକ୍ତରଖାନା ତାଙ୍କୁ ବୁର୍ଲା ଭିଏସଏସ ଡାକ୍ତରଖାନା ଏବଂ ବୁର୍ଲା ଡାକ୍ତରଖାନା କଟକକୁ ସ୍ଥାନାନ୍ତର କରିବା ପରେ ପରିବାର ଲୋକେ ବ୍ୟକ୍ତିଗତ ଭାବେ ଆମ୍ବୁଲାନ୍ସ ଯୋଗାଡ଼ କରି ମକରନ୍ଦଙ୍କୁ ଛତିଶଗଡ଼ର ରାୟପୁରକୁ ନେଇ ଯାଇଛନ୍ତି।
Comments are closed.