ଫୁଲବାଣୀ : ସ୍ଥାନୀୟ ସଦର ଥାନା ଅଞ୍ଚଳରେ ଆଜି ଜଣେ ଯୁବକ ବେକରେ ରଶି ଦେଇ ଆତ୍ମହତ୍ୟା କରିଥିବା ଜଣାପଡିଛି। ମୃତକ ଜଣକ ହେଲେ ଆମ୍ବପଡା ଛକର ଧନୁ ରଣାଙ୍କ ପୁଅ ଅଙ୍ଗଦ ରଣା(୨୦)। ସୋମବାର ସକାଳେ ନିଜ ଘର ଭିତରେ ସେ ବେକରେ ରଶିଦେଇ ଝୁଲୁଥିବା ଘରଲୋକେ ଦେଖିବାକୁ ପାଇଥିଲେ ।
ସଦର ଥାନା ପୁଲିସ ଖବର ପାଇ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇଥିଲେ। ମୃତ ଅଙ୍ଗଦ କିଛି ମାସ ତଳେ ବିବାହ କରିଥିଲେ। ସେ ଗୁଜରାଟରେ କାମ କରୁଥିବା ବେଳେ କିଛି ଦିନ ତଳେ ଘରକୁ ଆସିଥିଲେ। ଏ ନେଇ ଏକ ଅପମୃତ୍ୟୁ ମାମଲା ରୁଜ୍ଜୁ କରାଯାଇ ତଦନ୍ତ ଚାଲିଥିବା ଥାନା ଅଧିକାରୀ ସମୀର କୁମାର ରାଉତ ସୂଚନା ଦେଇଛନ୍ତି।
Comments are closed.