ଫୁଲବାଣୀ: କନ୍ଧମାଳ ଜିଲା ଫିରିଙ୍ଗିଆ ବ୍ଳକ ଅନ୍ତର୍ଗତ ଗୋଛାପଡା ପଞ୍ଚାୟତ କାର୍ଯ୍ୟାଳୟ ପରିସରରେ ଏକ ଡାକମେଳା ଅନୁଷ୍ଠିତ ହୋଇଯାଇଛି । ଫୁଲବାଣୀ ବିଧୁ ଅଙ୍ଗଦ କହଁର ଏଥିରେ ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ଗୋଛାପଡା ସରପଞ୍ଚ ଯୁଗାନ୍ତ କହଁର, ସଲାଗୁଡ଼ା ସରପଞ୍ଚ ରୋହିତ କହଁର, ଆଇ.ସି.ଡି.ଏସ ସୁପରଭାଇଜର ପ୍ରମୁଖ ଯୋଗ ଦେଇଥିଲେ । ଏହି ଡାକ ମେଳାରେ ଫୁଲବାଣୀ ଡାକ ମଣ୍ଡଳର ଅଧିକ୍ଷକ ଅସିତ୍ କୁମାର ନାୟକ, ସହକାରୀ ଡାକ ଅଧିକ୍ଷକ ମନୋଜ ବେହେରା, ପୋଷ୍ଟାଲ ବ୍ୟାଙ୍କ ସହକାରୀ ପରିଚାଳକ ଆଶୁତୋଷ ପାତ୍ରଙ୍କ ସମେତ ୬୦ ଜଣ ଗ୍ରାମୀଣ ଡାକ ସେବକ ଓ ଗ୍ରାମବାସୀମାନେ ଉପସ୍ଥିତ ଥିଲେ ।
ଡାକ ବିଭାଗର ସମସ୍ତ ଯୋଜନାର ଲାଭ କିପରି ସମସ୍ତଙ୍କ ପାଖରେ ପହଞ୍ଚି ପାରିବ ଏବଂ କିପରି ସମସ୍ତେ ଉପକୃତ ହେବେ ସେ ବିଷୟରେ ପରାମର୍ଶ ଦେଇଥିଲେ ବିଧାୟକ । ଗ୍ରାମାଞ୍ଚଳର ଜନ ସାଧାରଣ କିପରି ସରକାରଙ୍କ ବିଭିନ୍ନ ଡାକ ସେବା ଅନଲାଇନ୍ ଜରିଆରେ ପାଇ ପାରୁଛନ୍ତି, ସେ ନେଇ ବିଭାଗୀୟ ଅଧିକାରୀ ମାନେ ବିସ୍ତୃତ ଭାବରେ ବୁଝାଇଥିଲେ । ଗୁମାଗଡ଼ ଉପ ଡାକଘର ଅଧିନସ୍ଥ ବଇଡା ଶାଖାର ପୋଷ୍ଟ ମାଷ୍ଟର ଜ୍ୟୋତି ରଞ୍ଜନ ମୁଦୁଲି ଗ୍ରାମୀଣ ଡାକ ଜୀବନ ବୀମାରେ ସର୍ବାଧିକ ପ୍ରିମିୟମ ପ୍ରଦାନ କରି ପୁରସ୍କୃତ ହୋଇଥିଲେ । ବିଭିନ୍ନ ଯୋଜନାରେ ଭଲ ବ୍ୟବସାୟ କରିଥିବା ଗ୍ରାମୀଣ ଡାକ ସେବକଙ୍କୁ ମଧ୍ୟ ପୁରସ୍କୃତ କରାଯାଇଥିଲା ।
Comments are closed.