ଫୁଲବାଣୀ/ଫିରିଙ୍ଗିଆ: କନ୍ଧମାଳ ଜିଲା ଫିରିଙ୍ଗିଆ ବ୍ଲକ ଛକ ନିକଟରେ ଆଜି ଏକ ମର୍ମନ୍ତଦ ସଡକ ଦୁର୍ଘଟଣା ରେ ଜଣେ ବାଇକ ଆରୋହି ଗୁରୁତର ଆହତ ହୋଇଛନ୍ତି । ଗୁରୁତର ଆହତ ବାଇକ ଆରୋହି ଜଣକ ଫିରିଙ୍ଗିଆ କାଳିପୁଜା ସାହିର ଚୈତନ୍ୟ ଝାଙ୍କର ବୋଲି ଜଣାପଡିଛି। ସୂଚନା ଅନୁସାରେ ସୋମବାର ଫୁଲବାଣୀ ବାଲିଗୁଡା ରାସ୍ତାର ଫିରିଙ୍ଗିଆ ବ୍ଲକ ଛକ ନିକଟରେ ବାଲିଗୁଡା ପଟୁ ଆସୁଥିବା ବରାଳ ଦେବୀ ନାମକ ଏକ ଘରୋଇ ବସ ଫୁଲାବଣୀ ପଟୁ ବାଲିଗୁଡା ପଟକୁ ଯାଉଥିବା ଏକ ବାଇକ ସହ ସମାନାସାମାନି ଧକ୍କା ହୋଇଥିଲ।। ଫଳରେ ବାଇକରୁ ବାଇକ ଆରୋହି ଜଣକ ରାସ୍ତାକଡକୁ ଛିଟିକି ପଡିଥିଲେ। ସ୍ଥାନୀୟ ଲୋକେ
ବାଇକ ଆରୋହିଙ୍କୁ ଗୁରୁତର ଅବସ୍ଥା ରେ ଘଟଣାସ୍ତଳରୁ ଉଦ୍ଦାର କରି ଚିକିତ୍ସା ପାଇଁ ଫିରିଙ୍ଗିଆ ମେଡିକାଲରେ ଭର୍ତ୍ତି କରିଥିଲେ । ପରେ ଆହତ ବାଇକ ଆରୋହି ଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଫୁଲବାଣୀ ଜିଲା ମୁଖ୍ୟ ଚିକିତ୍ସାଳୟକୁ ସ୍ତାନାନ୍ତର କରାଯାଇଥିଲା। ଅନ୍ୟପଟେ ଦୁର୍ଘଟଣା ପରେ ସମ୍ପୃକ୍ତ ବସର ଡ୍ରାଇଭର ବସ ସହ ଫିରିଙ୍ଗିଆ ଥାନାରେ ଆତ୍ମସମର୍ପଣ କରିଥିବା ବେଳେ ଫିରିଙ୍ଗିଆ ପୋଲିସ ଡ୍ରାଇଭର କୁ ଥାନାରେ ଅଟକ ରଖି ଅଧିକ ତଦନ୍ତ ଜାରି ରଖିଛି।
Comments are closed.