ନୂଅଦିଲ୍ଲୀ: ଅଶୋଧିତ ତୈଳ ବଜାରରେ ପେଟ୍ରୋଲ ଡିଜେଲ ଦାମ୍ ହ୍ରାସ ପାଇଛି । ତୈଳ କମ୍ପାନୀଗୁଡିକ ଆଜି ନୂଆ ତେଲ ଦର ଲାଗୁ କରିଛନ୍ତି । ଯେଉଁଥିରେ ଉତ୍ତରପ୍ରଦେଶ ଏବଂ ବିହାରର ଅନେକ ସହରରେ ତୈଳ ଦର ହ୍ରାସ ପାଇଛି । ହେଲେ ଦିଲ୍ଲୀ ଓ ମୁମ୍ବାଇ ସମେତ ଦେଶର ଚାରୋଟି ମେଟ୍ରୋ ସହରରେ ପେଟ୍ରୋଲ ଏବଂ ଡିଜେଲ ମୂଲ୍ୟ ପରିବର୍ତ୍ତନ ହୋଇନାହିଁ ।
ପ୍ରକାଶ ପାଇଥିବା ନୂତନ ମୂଲ୍ୟ ଅନୁଯାୟୀ ଉତ୍ତରପ୍ରଦେଶର ନୋଏଡା-ଗ୍ରେଟର ନୋଏଡାରେ ପେଟ୍ରୋଲ ୩୫ ପଇସା ଶସ୍ତା ହୋଇ ଲିଟର ପିଛା ୯୬.୬୫ ଟଙ୍କା ରହିଛି । ଏଥି ସହିତ ଡିଜେଲର ମୂଲ୍ୟ ୩୨ ପଇସା ହ୍ରାସ ପାଇଛି । ଢିଜେଲ ଲିଟର ପିଛା ୮୯.୮୨ ରହିଛି। ସେହିପରି ଉତ୍ତରପ୍ରଦେଶର ରାଜଧାନୀ ଲକ୍ଷ୍ନୌରେ ପେଟ୍ରୋଲ ଲିଟର ପିଛା ୯୬.୫୭ ଟଙ୍କା ଏବଂ ଡିଜେଲ ଲିଟର ପିଛା ୮୯.୭୬ ଟଙ୍କା ରହିଛି । ବିହାରର ରାଜଧାନୀ ପାଟନାରେ ମଧ୍ୟ କମିଛି ପେଟ୍ରୋଲ ଡିଜେଲ ଦର । ପେଟ୍ରୋଲ ୮୨ ପଇସା ହ୍ରାସ ପାଇ ଲିଟର ପିଛା ୧୦୭.୩୦ ଟଙ୍କା ଏବଂ ଡିଜେଲ ୭୭ ପଇସା ହ୍ରାସ ପାଇ ୯୪.୦୯ ଟଙ୍କା ହୋଇଛି । ସେହିପରି ଦେଶର ବିଭିନ୍ନ ରାଜ୍ୟରେ ତୈଳ ଦର ହ୍ରାସ ପାଇଛି । ହେଲେ ଦିଲ୍ଲୀ, ମୁମ୍ବାଇ, ଚେନ୍ନାଇ ଓ କୋଲକାତାରେ ତୈଳ ଦର ଅପରିବର୍ତ୍ତିତ ରହିଛି ।
ଦିଲ୍ଲୀରେ ପେଟ୍ରୋଲ ଲିଟର ପିଛା ୯୬.୬୫ ଟଙ୍କା ଓ ଡିଜେଲ ଲିଟର ପିଛା ୮୯.୮୨ ଟଙ୍କା ରହିଛି । ମୁମ୍ବାଇରେ ପେଟ୍ରୋଲ ୧୦୬.୩୧ ଟଙ୍କା ଓ ଡିଜେଲ ୯୪.୨୭ ଟଙ୍କା ରହିଛି । ସେହିପରି ଚେନ୍ନାଇରେ ୧୦୨.୬୩ ଟଙ୍କା ପେଟ୍ରୋଲ ରହିଥିବା ବେଳେ ୯୪.୨୪ଟଙ୍କା ରହିଛି ଡିଜେଲ ଦର । କୋଲକାତାରେ ମଧ୍ୟ ପେଟ୍ରୋଲ ଲିଟର ପିଛା ୧୦୬.୦୩ ଟଙ୍କା ରହିଛି । ଡିଜେଲ ଲିଟର ପିଛା ୯୨.୭୬ଟଙ୍କା ରହିଛି ।
