ପାଟଣା:ପାଟଣା ବନାଞ୍ଚଳ ଅଟେଇ ସଂରକ୍ଷିତ ଜଙ୍ଗଲରୁ ବାରହା ଶିକାର ପରେ ଏହାର ମାଂସ ବିକ୍ରୀ ଅଭିଯୋଗରେ ପାଟଣା ବନବିଭାଗ ଡୁମୁରିଆ ପଞ୍ଚାୟତ ବଣମହୁଲଡିହା ଗ୍ରାମର ୪ ଜଣଙ୍କୁ ଗିରଫ କରିଛି। ଗିରଫ ୪ ଜଣ ହେଲେ ଗ୍ରାମର ରାଉତ ମୁଣ୍ଡା (୨୫), ଯଦୁମଣି ମୁଣ୍ଡା (୨୨), ଭୀମ ମୁଣ୍ଡା (୪୨) ଓ କରୁଣା ମୁଣ୍ଡା (୩୫) ବୋଲି ଜଣାପଡିଛି।
ଖବରରୁ ପ୍ରକାଶ ଯେ ବୁଧବାର ପାଟଣା ବନବିଭାଗକୁ ଗୁପ୍ତ ସୂଚନା ମିଳିଥିଲା। ଆଧାରରେ ପାଟଣା ବନାଞ୍ଚଳ ଅଧିକାରୀ ବନବିହାରୀ ସର୍ଦ୍ଦାର, ଉପବନାଞ୍ଚଳ ଅଧିକାରୀ ଅମୂଲ୍ୟ କୁମାର ସେନାପତି, ପାଟଣା ବନପାଳ ପିଅନ ନାଏକ, ବନରକ୍ଷୀ ଦେବଯାନୀ ମହାନ୍ତ ପ୍ରମୁଖ ବନବିଭାଗ ପାରା କର୍ମଚାରୀମାନେ ବଣମହୁଲଡିହା ଗ୍ରାମର ନିର୍ଦ୍ଧିଷ୍ଟ ସ୍ଥାନରେ ଚଢାଉ କରିଥିଲେ। ଚଢାଉ ସମୟରେ ବିକ୍ରି ହେବାକୁ ଥିବା ବାରହା ମାଂସକୁ ସେମାନେ ଜବତ କରିବା ସହ ଏହାକୁ ବିକୁଥିବା ରାଉତ ମୁଣ୍ଡାକୁ ଧରିଥିଲେ। ତେବେ ରାତି ହୋଇଯାଇ ଥିବାରୁ ଅନ୍ୟମାନେ ଫେରାର ଥିବାବେଳେ ଆଜି ବନବିଭାଗ ପୁଣି ଚଢାଉକରି ଅନ୍ୟ ୩ ଜଣଙ୍କୁ ଗିରଫ କରିଛି। ଏମାନେ ଜଙ୍ଗଲରୁ ଏକ ବଡ ବାରହା ଶିକାର କରି ଏହାର ମାଂସ ବିକ୍ରି କରୁଥିଲେ।
Comments are closed.