ପାଟଣା: ପାଟଣା ନିକଟ ସ୍ୱାମ ଶିମୁଳିଆନାଳ ପୋଲ ନିକଟରେ ଆଜି ଦୁଇ ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ୩ ଜଣ ଗୁରୁତର ହୋଇଛନ୍ତି। ଦୁର୍ଘଟଣା ପରେ ପାଟଣା ଦମକଳବାହିନୀ ଘଟଣା ସ୍ଥଳରେ ପହଞ୍ଚି ଗୁରୁତରଙ୍କୁ ଉଦ୍ଧାର କରି ପାଟଣା ଡାକ୍ତର ଖାନାରେ ଭର୍ତ୍ତି କରିଛନ୍ତି। ସୂଚନା ଅନୁସାରେ ଡିଆନାଳୀ ଗ୍ରାମର ରମେଶ ଚନ୍ଦ୍ର ମହାନ୍ତ(୪୩)ଓ ରଥପଡା ଗ୍ରାମର ରୀଙ୍କୁ ମହାନ୍ତ(୨୦) ପାଟଣା ବଜାରରୁ ଘରକୁ ଫେରୁଥିବା ବେଳେ ଗରାଣ୍ଡିଯୋଡି ଗ୍ରାମର ସୁମନ ନାଏକ(୧୯)ଢେଙ୍କାନାଳ ସମ୍ପର୍କୀୟ ଘରକୁ ଯାଇ ଫେରୁଥିବା ବେଳେ ସ୍ୱାମ ଶିମୁଳିଆନାଳ ପୋଲ ନିକଟରେ ପରସ୍ପର ମଧ୍ୟରେ ଧକ୍କା ହୋଇଥିଲା।
ଏଥିରେ ରମେଶ ମହାନ୍ତଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ବେଳେ ରୀଙ୍କୁ ମହାନ୍ତଙ୍କ ଏକ ଗୋଡ଼ ଭାଙ୍ଗି ଯାଇଛି। ସେହିପରି ସୁମନ ନାଏକଙ୍କ ମଧ୍ୟ ମୁଣ୍ଡରେ ଗଭୀର ଆଘାତ ଲାଗିଛି। ୩ ଜଣ ଗୁରୁତରଙ୍କୁ ପାଟଣା ଡାକ୍ତରଖାନାରେ ଚିକିତ୍ସା ଚାଲିଥିବା ବେଳେ ଖବର ପାଇ ପାଟଣା ପୁଲିସ ଦୁର୍ଘଟଣା ସ୍ଥଳରେ ପହଞ୍ଚି ଦୁଇବାଇକକୁ ଜବତ କରି ତଦନ୍ତ ଚଳାଇଛି।
Comments are closed.