ପାଟଣା: କେନ୍ଦୁଝର ଜିଲ୍ଲା ପାଟଣା ବନ ବିଭାଗ ପକ୍ଷରୁ ୨ଟି ସ୍ଥାନରେ ଚଢାଉ କରାଯାଇ ଲକ୍ଷାଧିକ ଟଙ୍କାର ଚୋରା କାଠ ଜବତ କରାଯାଇଛି । ପାଟଣା ବନାଞ୍ଚଳ ଅନ୍ତର୍ଗତ ଘଟଗାଁ ବ୍ଲକ ଘୁଣ୍ଟିଝରି ଓ ଭଣ୍ଡାରିପଶି ଗ୍ରାମରେ କାଠ ମାଫିଆ ମାନେ ରାତିରେ କାଠ ଗଡ କାଟୁଥିବା କୌଣସି ସୂତ୍ରରୁ ବନ ବିଭାଗ ଖବର ପାଇ ଚଢ଼ାଉ କରିଥିଲା । ଚଢାଉ ସମୟରେ କାଠ ମାଫିଆ ଘଟଣାସ୍ଥଳରୁ ଫେରାର ହୋଇଯାଇଥିବା ବେଳେ ଦୁଇଟି ସ୍ଥାନରୁ ୧୦ଟି ବଡ଼ବଡ଼ କାଠ ଗଡକୁ ଜବତ କରିଛି ବନ ବିଭାଗ । ଜବତ କାଠ ଗୁଡ଼ିକୁ ବନ କାର୍ଯ୍ୟାଳୟକୁ ଅଣାଯାଇଥିବା ବେଳେ ଏହାର ଆନୁମାନିକ ମୂଲ୍ୟ ୧ ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବ ବୋଲି ବନ ବିଭାଗ ସୂଚନା ଦେଇଛି । ଏହି ଚଢ଼ାଉରେ ପାଟଣା ବନପାଳ ଚିତ୍ତରଞ୍ଜନ ପରିଡାଙ୍କ ସହ ପାରା କର୍ମଚାରୀ ସାମିଲ ଥିଲେ ବୋଲି ପାଟଣା ବନାଞ୍ଚଳ ଅଧିକାରୀ ଟିକେଶ୍ୱର ମହାନ୍ତ ସୂଚନା ଦେଇଛନ୍ତି।
Comments are closed.