ପାରାଦୀପ: ପାରାଦ୍ୱୀପ ଅଠରବାଙ୍କୀ ନିକଟସ୍ଥ ମତ୍ସ୍ୟଡିଆ ନଦୀରେ ଅଘଟଣ ଘଟିଛି। ଗାଧୋଇବା ବେଳେ ଗୋଡ ଖସିଯିବାରୁ ଜଣେ ବାଳିକା ବୁଡି ନିଖୋଜ ହୋଇ ଯାଇଛନ୍ତି। ଖୁଦୁରକୁଣୀ ଓଷା ପାଇଁ ଅଠରବାଙ୍କି ନିକଟସ୍ଥ କଂସାରିପାଟିଆର ମତ୍ସ୍ୟଡିହା ନଦୀରେ ସ୍ଥାନୀୟ ମହିଳା ଓ କିଛି ଝିଅ ବାଲୁକା ପୂଜା ପାଇଁ ବୁଡ ପକାଇବା ବେଳେ ହଠାତ୍ ୧୪ ବର୍ଷୀୟା ଆରତି ମଲିକ ପାଣି ଭିତରକୁ ଖସିଯାଇଥିଲା। ପାଖରେ ଥିବା ଅନ୍ୟ ସହଯୋଗୀମାନେ ଶତଚେଷ୍ଟା କରିଥିଲେ ବି ତାକୁ ଉଦ୍ଧାର କରି ପାରିନଥିଲେ। ତେବେ ଖବର ପାଇ ଘଟଣା ସ୍ଥଳରେ ପହଞ୍ଚି ପାରାଦୀପ ସିଆଇଏସଏଫର ଅଗ୍ନିଶମ ବିଭାଗ ଓ ସ୍ଥାନୀୟ ଲୋକେ ଖୋଜା ଖୋଜି ଜାରି ରଖିଛନ୍ତି। ଓଡ୍ରାଫ ଟିମ୍ ମଧ୍ୟ ଆସି ସେଠାରେ ପହଞ୍ଚି ଖୋଜା ଖୋଜି ଆରମ୍ଭ କରିଛନ୍ତି। ଏପର୍ଯ୍ୟନ୍ତ କୌଣସି ସନ୍ଧାନ ମିଳିପାରିନଥିବା ଜଣାପଡିଛି l
Popular Categories
Previous article
Next article