ନୂଆଦିଲ୍ଲୀ: ପାକିସ୍ତାନର ସରକାରୀ ଗଣମାଧ୍ୟମରେ କାଶ୍ମୀରକୁ ଭାରତର ବୋଲି ଦର୍ଶାଇଥିବା ୨ ସାମ୍ବାଦିକଙ୍କୁ ବହିଷ୍କାର କରାଯାଇଛି। ପାକିସ୍ତାନ ପାର୍ଲାମେଣ୍ଟରେ ଏହି ପ୍ରସଙ୍ଗ ଉଠିବା ପରେ ଇମ୍ରାନ ଖାନ ସରକାର ଉପରୋକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି।
ଗତ ୬ ତାରିଖରେ ଏହି ଘଟଣା ଘଟିଥିଲା। ଦେଶର ସରକାରୀ ଗଣମାଧ୍ୟମ ପିଟିଭିରେ ଏକ ଖବର ପ୍ରସାରଣ ସମୟରେ ପାକିସ୍ତାନର ଏକ ମ୍ୟାପ ପ୍ରଦର୍ଶନ କରାଯାଇଥିଲା, ଯେଉଁଥିରେ କାଶ୍ମୀର ଭାରତର ବୋଲି ଦର୍ଶାଯାଇଥିଲା। ୮ ତାରିଖରେ ଏହି ପ୍ରସଙ୍ଗକୁ ନେଇ ପାର୍ଲାମେଣ୍ଟରେ ଉଠାଯାଇଥିଲା। ଏ ଦିଗରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ବିଭିନ୍ନ ମହଲରେ ଦାବି କରାଯାଇଥିଲା। ଘଟଣାର ତଦନ୍ତ ପରେ ୨ ସାମ୍ବାଦିକଙ୍କୁ ବହିଷ୍କାର କରାଯାଇଛି।
