ଇସଲାମାବାଦ : ଭାରତ ସରକାର କାଶ୍ମୀରରୁ ଧାରା ୩୭୦ ଉଠାଇବା ପରେ ତାହାର ଜବାବରେ ପାକିସ୍ତାନ ସରକାର କେତେକ ପଦକ୍ଷେପ ନେଇଛନ୍ତି । ଭାରତ-ପାକିସ୍ତାନ ମଧ୍ୟରେ ଥିବା ୯ଟି ଆକାଶପଥ ମଧ୍ୟରୁ ତିନୋଟି ଆକାଶପଥକୁ ପାକିସ୍ତାନ ବନ୍ଦ କରିଛି।
ସୂଚନା ଯୋଗ୍ୟ, ବୁଧବାର ବସିଥିବା ପାକିସ୍ତାନର ନ୍ୟାସନାଲ ସିକ୍ୟୁରିଟି କମିଟିର ବୈଠକପରେ କେତେକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଥିଲା । ଏହି ନିଷ୍ପତ୍ତି ଅନୁସାରେ ପାକିସ୍ତାନ ଭାରତ ସହିତ ନିଜର କୂଟନୈତିକ ସମ୍ପର୍କ ଛିନ୍ନ କରିବାସହ ତିନୋଟି ଆକାଶପଥ ବନ୍ଦ କରିଛି । ଏହା ସହିତ ଦ୍ୱିପାକ୍ଷିକ ବାଣିଜ୍ୟ କାରବାର ଛିନ୍ନ କରିବାକୁ ମଧ୍ୟ ପାକିସ୍ତାନ ନିଷ୍ପତ୍ତି ନେଇଛି ।
