କୋରାପୁଟ: କୋରାପୁଟ ସୁନାବେଢା ସ୍ଥିତ ହାଲ୍ କାରଖାନାରେ ଦୁର୍ଘଟଣାରେ ଜଣେ କର୍ମଚାରୀଙ୍କ ମୃତ୍ୟୁ ଘଟିଛି। କାରଖାନା ପରିସରରେ ଥିବା କ୍ରମ୍ପେସର ଫାଟିଯିବାରୁ ଏଭଳି ଘଟିଥିବା ସୂଚନା ମିଳିଛି । କର୍ମଚାରୀଙ୍କ ମୃତ୍ୟୁ ନେଇ ଏସ୍ ଡିପିଓ ନିରଞ୍ଜନ ବେହେରା ସୂଚନା ଦେଇଛନ୍ତି। କମ୍ପେସର ୟୁନିଟରେ କାର୍ଯ୍ୟଚାଲିଥିବା ବେଳେ କୈାଣସି କାରଣରୁ କ୍ରମ୍ପେସର ଫାଟିଯିବା ଫଳରେ ସେଠାରେ କାର୍ଯ୍ୟରତ ଥିବା କର୍ମଚାରୀ ସୁଦାମ ମହାନ୍ତି ଗୁରୁତର ଭାବେ ଆହତ ହୋଇଥିଲେ ।
ତାଙ୍କୁ ତତ୍କ୍ଷଣାତ ହାଲ୍ ମେଡିକାଲରେ ଭର୍ତ୍ତି କରାଯାଇ ଥିଲା, କିନ୍ତୁ ତାଙ୍କ ଶରୀରର ୯୦ ଭାଗ ପୋଡିଯାଇଥିବାରୁ ଚିକିତ୍ସାଧିନ ଅବସ୍ଥାରେ ମୃତ୍ୟୁ ହୋଇଛି। ତେବେ ସୁଦାମଙ୍କ ମୃତ୍ୟୁ ନେଇ ହାଲ୍ ପରିସରରେ ଉତ୍ତେଜନା ପରିସ୍ଥିତି ସୃଷ୍ଟି ହେବାରୁ ସୁରକ୍ଷା ବ୍ୟବସ୍ଥା ବଢାଇ ଦିଆଯାଇଛି ।
Comments are closed.