ନିୟମଗିରିରେ ଶିକାରୀ ଗୁଳିରେ ଶିକାରୀର ମୃତ୍ୟୁ ; ଜଣେ ଅଟକ ପୁଲିସ ତଦନ୍ତ ଜାରି

କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପାରସାଲି ପଞ୍ଚାୟତ ନିୟମଗିରି ପାହାଡ ଉପରେ ଜନ୍ତୁ ଶିକାର କରିବାକୁ ଯାଇ ଶିକାରୀ ଗୁଳିରେ ଶିକାରୀର ମୃତ୍ୟୁ ହୋଇଥିବାବେଳେ ପଲିସ ତଦନ୍ତ ଆରମ୍ଭ କରିଛି। ମଙ୍ଗଳବାର ରାତିରେ ନିୟମଗିରି ପାହାଡ ଉପରେ ପାର୍ଶାଲି ପଞ୍ଚାୟତ ଅନ୍ତର୍ଗତ ବଙ୍ଗପାଡୁ ଗ୍ରାମରେ ଅଘଟଣ ଘଟିଛି । ଜନ୍ତୁ ଶିକାର କରିବା ପାଇଁ ଗ୍ରାମର କିଛି ଲୋକଙ୍କ ସହ ବିଷମକଟକ ବ୍ଲକ କୁଲୀ  ପଂଚାୟତ ଅନ୍ତର୍ଗତ ମୁଣ୍ଡନାଲି ଗ୍ରାମର ବୁଟୁ ଜାକେସିକା ଯାଇଥିଲା। ବୁଟୁକୁ ଗୁରୁତର ଆହତ ଅବସ୍ଥାରେ କଲ୍ୟାଣସିଂହପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରକୁ ଆଣି ଚିକିତ୍ସା କରିବା ସମୟରେ ଡାକ୍ତର ତା’ର ମୃତ୍ୟୁ ସଂପର୍କରେ ଘୋଷଣା କରିଥିଲେ।  ପୁଲିସବଙ୍ଗପାଡୁ ଜଙ୍ଗଲକୁ ଯାଇ ଘଟଣା ସମ୍ପର୍କରେ ତଦନ୍ତ କରି ଜଣେ ନାବାଳକକୁ ଅଟକ ରଖି ପଚରା ଉଚରା କରୁଥିବା  ଥାନା ଅଧିକାରୀ ମୁକୁନ୍ଦଦେବ ନାୟକ କହିଛନ୍ତି।