ସମ୍ବଲପୁର: ଜିଲା ବର୍ଷିୟାନ କ୍ରିଡା ସଂଘ ସମ୍ବଲପୁର ଆନୁକୂଲ୍ୟରେ ସ୍ଥାନୀୟ ସିଂହପାଲି – କାଈଁଶୀର ଖେଳ ପଡ଼ିଆ ଠାରେ ଶନିବାର ଦୁର୍ଗାଶଙ୍କର ପଟ୍ଟନାୟକ ମେମୋରିଆଲ ଆନ୍ତଃ ଏମ.ଇ. ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି। ୨ ଦିନ ଧରି ଆୟୋଜିତ ହେଉଥିବା ଏହି ଟୁର୍ଣ୍ଣାମେଣ୍ଟରେ ୧୬ଟି ଉଚ୍ଚ ପ୍ରାଥମିକ ବିଦ୍ୟାଳୟର ଦଳ ଗୁଡିକ ଭାଗ ନେଉଛନ୍ତି। ଉଦଘାଟନୀ ଉତ୍ସବରେ ପୂର୍ବତନ ବିଧାୟକ ନାଉରୀ ନାଏକ ମୁଖ୍ୟ ଅତିଥି ରୂପେ ଯୋଗ ଦେଇ ଉଦଘାଟନ କରିଥିଲେ। ପ୍ରଥମ ଦିବସରେ ୮ଟି ଖେଳ ଅନୁଷ୍ଠିତ ହୋଇଥିଲା। କାଈଁଶୀର, ସେନ୍ଟଜନ ପବ୍ଲିକ ସ୍କୁଲ, ସରକାରୀ ଉଚ୍ଚ ବିଦ୍ୟାଳୟ ବୃକ୍ସହିଲ, ଜମାଦାରପାଲି ଆଶ୍ରମ ସ୍କୁଲ, ବିକାଶ ସ୍କୁଲ, ନିର୍ଗୁଣପଡ଼ା ସରକାରୀ ବିଦ୍ୟାଳୟ, ବରେଇପାଲି ସରକାରୀ ବିଦ୍ୟାଳୟ ଓ ଦିଲ୍ଲୀ ପବ୍ଲିକ ସ୍କୁଲ ଆଜିର ଖେଳ ପରେ କ୍ୱାଟର ଫାଇନାଲକୁ ଉତ୍ତିର୍ଣ୍ଣ ହୋଇଛନ୍ତି। ଆସନ୍ତା କାଲି ୪ଟି କ୍ୱାଟର ଫାଇନାଲ, ୨ଟି ସେମି ଫାଇନାଲ ଓ ଫାଇନାଲ ମ୍ୟାଚ ଅନୁଷ୍ଠିତ ହେବ। ଆଜି ହୋଇଥିବା ଖେଳ ଗୁଡିକୁ ଶାନ୍ତା ରନବିଡା, ମଥୁରା ଓରାମ, ମନୋଜ ଭୋଇ, ଜଗେନ୍ଦ୍ର ଓରାମ, ଜଲେନ୍ଦ୍ର ଓରାମ, ସୁବାଷ ରାଉତ ପ୍ରମୁଖ ରେଫରୀ ରୂପେ ପରିଚାଳନା କରିଥିଲେ। ସମସ୍ତ କାର୍ଯ୍ୟକ୍ରମ ଓ ଖେଳ ଗୁଡିକୁ ସଂଘର ସଭାପତି ଗୋକୁଳ ଚନ୍ଦ୍ର ଦର୍ଜି, ସମ୍ପାଦକ ସଦାଶିବ ପୁରୋହିତ ଓ ସମସ୍ତ ସଦସ୍ୟ ପରିଚାଳନା କରିଥିଲେ। ଫାଇନାଲ ମ୍ୟାଚ ପରେ ରାମଚନ୍ଦ୍ର କର ଓ କିରଣ ଶଙ୍କର ପଣ୍ଡାଙ୍କୁ ସଂଘ ତରଫରୁ ସମ୍ମାନୀତ କରାଯିବ ବୋଲି ସୂଚନା ଦିଆଯାଇଛି।
Comments are closed.